З 02.06.17 па 01.09.17, пры падтрымцы жаночага мотааб'яднання «Ластаўкі», у Музеі гісторыі тэатральнай і музычнай культуры будзе арганізавана выстава рэтра–электрагітар, вырабленых у рэспубліках Савецкага Саюза ў другой палове ХХ стагоддзя. На выставе будуць прадстаўлены акустычныя, паўакустычныя, сола і бас–гітары, мікрафоны, педалі гітарных эфектаў і клавішныя інструменты 60–х – 80–х гадоў. Асаблівую цікавасць уяўляе гавайская электрагітара, выпушчаная ў 1959–м годзе МЭФМІ (г. Масква), якая паклала пачатак вытворчасці электрагітар ў СССР.
Экспанаты прадастаўлены беларускімі калекцыянерамі Уладзімірам Мітраевым, Аляксандрам Жукоўскім і Дзянісам Кісялём.
Уладзімір Мітраеў. Прафесійны музыкант, бас–гітарыст. Больш за 15 гадоў кіраваў эстраднымі калектывамі. У 1986 годзе быў прызнаны лепшым кіраўніком самадзейных ВІА БССР. З 2012 года з'яўляецца найбуйнейшым калекцыянерам і адным з вядомых рэстаўратараў Беларусі.
Аляксандр Жукоўскі. У школьныя гады пачаў іграць у складзе мясцовай групы. Шукаў свой асаблівы гук, з прычыны чаго сабралася некалькі гітар, у асноўным вытворчасці СССР і ГДР. Зацікавіўшыся гісторыяй гітар пачаў збіраць іх мэтанакіравана. На дадзены момант Аляксандр валодае калекцыяй больш чым з 80 гітар, на збор якой сышло каля 15 гадоў.
Дзяніс Кісель. Самы малады калекцыянер гітар у Беларусі. Музыкант. На дадзены момант – навучэнец старэйшых класаў школы г. Маладзечна. Збірае сваю калекцыю каля 3–х гадоў.
Інфармацыйныя матэрыялы прадастаўлены музыкантам, калекцыянерам і гісторыкам стварэння гітар Якавам Сакаловым (г. Санкт–Пецярбург).
Экспазіцыя гітар, выпушчаных у БССР аформлена фатаграфіямі першых беларускіх эстрадных музыкаў, якія паклалі пачатак сучаснай эстрадзе. Гэтак жа прадстаўлены цікавыя фатаграфіі вядомых музыкаў з савецкімі гітарамі і гістарычныя дакументы, звязаныя з біт– і рокмузыкай той эпохі.
Усе жадаючыя змогуць асабіста паіграць на прадастаўленых экспанатах.
У рамках выставы будуць праводзіцца майстар–класы ігры на гітары, выступленні беларускіх музыкаў, сустрэчы з калекцыянерамі – арганізатарамі выставы.
Наш адрас: г. Мінск (Верхні горад),
Музычны завулак, 5
Тэлефонён для даведак 220–26–67
#dommasonay
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея