Акцыя МНС "Не прапальвай сваё жыццё!"

Па статыстыцы, 7 з 10 пажараў у жылым фондзе адбываюцца па віне неасцярожных курцоў. Не трэба думаць, што асабіста вас гэтая праблема не закране, бо агню абыякава, каму наносіць шкоду, але папярэдзіць сумны зыход у вашых сілах.

Для прыцягнення ўвагі да праблемы пажараў па прычыне неасцярожнага абыходжання з агнём пры курэнні з 8 па 18 лістапада па ўсёй краіне пройдзе акцыя «Не прапальвай сваё жыццё!».

Мерапрыемствы акцыі пройдуць у 2 этапы. Першы працягнецца з 8 па 11 лістапада і закране пункты прыёму другаснай сыравіны, а таксама прамысловыя прадпрыемствы і інтэрнаты. Увазе ўдзельнікаў будуць прапанаваны тэматычныя відэаролікі аб небяспеках, якія тоіць у сабе курэнне, магчымасць пагутарыць са спецыялістам і задаць яму пытанні. Акрамя таго, кожны ахвочы зможа прыняць удзел у спаборніцтве за званне знаўцы правіл бяспекі на тэму бяспечнага абыходжання з агнём пры курэнні і выйграць сувенірную прадукцыю.

Другі этап будзе праходзіць з 14 па 18 лістапада ў ВНУ, каледжах, ліцэях, а таксама ў цэнтрах бяспекі і іншых месцах з масавым знаходжаннем людзей. Удзельнікі змогуць праявіць сябе ў конкурсе КВЗ, спаборніцкай інтэлектуальнай гульні "No smoking Quiz", конкурсе мініяцюр і іншых віктарынах. Тэмай усіх вышэйпералічаных мерапрыемстваў будзе бяспека пры абыходжанні з агнём пры курэнні. Гэта далёка не ўвесь пералік мерапрыемстваў, таму варта схадзіць самому і паклікаць з сабой сяброў, каб правесці час прыемна і карысна!

Мерапрыемствы для асоб, якія злоўжываюць спіртнымі напоямі, будуць праводзіцца на базе аддзяленняў дзённага знаходжання пры рэгіянальных наркалагічных дыспансерах і ўключаць у сябе прафілактычную гутарку, прагляд тэматычнага відэафільма, а таксама практычныя заняткі, якія дэманструюць наступствы неасцярожнага абыходжання з агнём у быце.

Для тых, хто вельмі хоча, але не зможа ўзяць удзел у мерапрыемствах асабіста, пройдуць інтэлектуальныя віктарыны ў эфіры радыёстанцый, а таксама на старонках перыядычных друкаваных выданняў. Гэта дазволіць далучыцца да акцыі ўсім ахвочым, нават тым, хто пражывае ў самых аддаленых кутках краіны.

У месцах з масавым знаходжаннем людзей і на адкрытых пляцоўках прапагандысты МНС правядуць "Шоу без цыгарэт". У гэты час усе ахвочыя змогуць адмовіцца ад курэння і памяняць цыгарэты на каштоўныя прызы і падарункі, а таксама зрабіць яркія фатаграфіі з раставой лялькай і на фоне тэматычных стэндаў.

Для якаснага і ўсебаковага асвятлення акцыі работнікі прапаганды будуць выкарыстоўваць інтэрнет-прастору і СМІ. Так, напрыклад, у сетцы Інтэрнэт пройдзе конкурс на лепшы відэаролік па тэме «Я не куру ў ложку і табе не раю». І ўжо традыцыйна будзе задзейнічана паштовае рассыланне бяспечнай карэспандэнцыі, а таксама званкі ад работнікаў МНС.

Гэта далёка не ўсё, што чакае ўдзельнікаў акцыі «Не прапальвай сваё жыццё!». Таму далучайцеся да мерапрыемстваў МНС, каб перамагчы ў барацьбе са згубнай звычкай і зрабіць сваё жыццё больш бяспечным!