Нацыянальны гістарычны музей Рэспублікі Беларусь



Манеты ВКЛ для Нацыянальнага гістарычнага музея Рэспублікі Беларусь

  • 04.03.2017

Нацыянальны гістарычны музей Рэспублікі Беларусь пачынае краудфандзінгавую акцыю па збору сродкаў на набыццё 9 раннелітоўскіх манет XIV ст. Прадстаўленыя манеты маюць намінал пенязь(дэнарый), і чаканіліся за часам Альгерда і Ягайлы.

Артэфакты часоў станаўлення Вялікага Княства Літоўскага – рэдкія рэчы, якія слаба прадстаўлены ў беларускіх музеях. А між іншым – Вялікае Княства Літоўскае аказала моцны уплыў на станаўленне беларускай дзяржаўнасці, культуры і мовы. Разам, мы маем магчымасць узбагаціць скарбніцу беларускіх музеяў новымі унікальнымі экспанатамі.

Збор сродкаў будзе адбывацца праз платформу “Talaka” (https://www.talaka.by): кожны, хто ахвяруе грошы, у адказ атрымае пэўны бонус – пачынаючы ад паштоўкі да шматразовага абанементу на наведванне музея. Кошт манет складае 7200 дэнамінаваных беларускіх рублеў, а на акцыю адведзена 60 дзен(https://www.talaka.by/projects/1878/overview). Мы заклікаем усіх людзей, неабыякавых да падтрымання гісторы і культуры Беларусі, прыняць удзел у дадзенай акцыі. Усе жадаючыя могуць пералічваць сродкі на электронны рахунак сістэмы belqi нумар 33824428. Як туды пакласці грошы?

1. Праз сістэму інтэрнэт банкінга ААТ "Прыёрбанк" https://www.prior.by/web/ альбо праз разлікова–даведачныя тэрміналы ААТ "Прыёрбанк"

2. Праз сістэму абслугоўвання банкаўскіх картак Viza i MasterCard – "WEB Pay" – https://e–pay.by/

3. Праз аўтаматызаваную інфармацыйную сістэму "Расчет" – можна пакласці грошы на Белпошце, альбо ў любым з 28 банкаў РБ(Финансовые услуги\Электронные деньги\Пополнение эл. кошелька belqi) http://raschet.by/

Калі Манеты з вашай дапамогай будуць набыты, музей плануе экспанаваць іх на першым паверсе, у зале “Старажытная Беларусь”.

Тэл. для журналістаў (з 11.00 да 18.00 – будныя дні): 8 029 99 88 924

Раман Крыцук, аддзел археалогіі, нумізматыкі і зброі