27 жніўня з 15.00 да 20.00 ва ўнутраным дворыку музея будзе праходзіць дзіцячы Арт–фестываль "Калякі–малякі".
За некалькі дзён да пачатку навучальнага года, студыя–майстэрня выяўленчага мастацтва "Калякі–малякі" сумесна з Нацыянальным гістарычным музеем вырашыла парадаваць сваіх маленькіх сяброў вялікім дзіцячым святам!
Кожны, хто ў гэты дзень загляне ва дворык музея, зможа атрымаць сваю порцыю радасці, весялосці, бадзёрасці, энергіі і добрага настрою на ўвесь будучы навучальны год.
Акрамя выставы работ вучняў студыі "Калякі–малякі", гасцей фестывалю будзе чакаць велізарная колькасць цікавых, пазнавальных і займальных актыўнасцей.
У першую чаргу гэта малявальные майстар–класы ад студыі "Калякі–малякі", падчас якіх дзеці і дарослыя змогуць асвоіць нетрадыцыйныя тэхнікі ў жывапісу.
Майстэрня "Экалабараторыя" будзе лавіць лета за хвост: пакажуць, як можна ўпрыгожыць сябе і інтэр'ер прыроднымі матэрыяламі і як назапасіць лета на зіму. Таксама гасцям фестывалю прадставіцца магчымасць вывучаць зорнае неба разам са спецыялістам у галіне астрафізікі Васілеўскім Юрыем Рыгоравічам і зрабіць сабе на памяць бірулькі з сузор'ямі.
Магазін Piramidka.by арганізуе гульнятэку настольных гульняў, а "Мамiна ежа" – кулінарнае маляванне.
Разам з рукадзельніцамі майстэрні AmyFamily можна будзе зрабіць для сябе ці сваіх блізкіх цёплы сувенір. Танцавальныя майстар–класы ад школы танцаў "Квартал" не дадуць гасцям засумаваць і сагрэюць у дрэннае надвор'е, таксама як і выступ школы вакалу "Мікс". Рухомымі забаўкамі, гульнятанцамі і ўсмешкамі пацешаць аніматары студыі "Трям".
Гвоздам праграмы стане выступленне бэбі–тэатра "Бусы" і магчымасць апускання ў віртуальную рэальнасць разам з tilt brush.
Запрашаем усіх! Уваход вольны!
Нацыянальны гістарычны музей Рэспублікі Беларусь
Адрас: г. Мінск, вул.К.Маркса, 12
Тэл. для даведак: 327–48–27
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея