6 ліпеня ў 17.00 у Нацыянальным гістарычным музеі Рэспублікі Беларусь адбудзецца адкрыцце выставы "Беларусы ў Войску Польскім 1939 – 1945 гг з прыватнага архіва Iгара Мельнікава ". Выстава арганізавана Пасольствам Рэспублікі Польшча ў Рэспубліцы Беларусь.
Выстава прысвечаная удзелу беларусаў у складзе Войска Польскага ў баявых дзеяннях супраць нацыстаў на розных франтах Другой Сусветнай вайны.
Значная колькасць беларусаў апынулася ў 79–м пяхотным палку імя Льва Сапегі, 80–м палку навагрудскіх стралкоў і 78–м пяхотным палку з Баранавічаў. Усе гэтыя полкі ўваходзілі ў склад 20–й дывізіі пяхоты Войска Польскага. Гэтую вайсковую адзінку ў польскіх колах неафіцыйна называлі «беларускай». У верасні 1939 года на лініі млаўскіх умацаванняў гэтая 20–я дывізія мужна змагалася з ворагам і да канца засталася вернай прысяге.
Гераічна змагаліся і байцы 84–га палескага пяхотнага палка ў бітве пад Мокрай. У складзе 2–га Гдынского батальёна марскіх пяхотнікаў нашы суайчыннікі ўдзельнічалі ў абароне паўвострава Хель.
Многія выхадцы Заходняй Беларусі ваявалі ў акружанай нацыстамі Варшаве. Да кастрычніка 1939 г. змагалася спецыяльная аператыўная група «Палессе» – зводнае воінскае фарміраванне пад камандаваннем генерала Францішка Клееберга, у складзе якога ваявала шмат праваслаўных «палешукоў».
Выстава прадстаўляе унікальныя фотаздымкі, дакументы і іншыя артэфакты з калекцыі беларускага гісторыка Iгара Мельнікава.
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12,
тэл. 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея