6 лютага у Расійскім этнаграфічным музеі (г. Санкт-Пецярбург) адкрылася выстава “Беларусы.by”, арганізаваная Нацыянальным гістарычным музеем Рэспублікі Беларусь сумесна з РЭМам. Праект ажыццяўляецца ў адказ на экспанаванне выставы Расійскага этнаграфічнага музея "Белая Русь і яе суседзі" у Нацыянальным гістарычным музеі Рэспублікі Беларусь ў 2013 – 2014 гг.
Выстава “Беларусы.by” сканцэнтруе ўвагу на тых адметнасцях матэрыяльнай культуры, якія з’яўляюцца характэрнымі для нацыянальнай тоеснасці і самаідэнтыфікацыі беларусаў. Яна адлюструе важнасць і ўнікальнасць існуючага музейнага збору як феномена збіральніцтва, культурнай з’явы ў цэлым. На выставе будуць прадстаўлены здабыткі нацыянальнай гісторыі, традыцый, матэрыяльнай і духоўнай культуры Беларусі на прыкладзе матэрыялаў этнаграфічных даследаванняў, якія праводзіліся супрацоўнікамі музея ў ХХ ст.
Дамінантай выставы стане экспанаванне народнага адзення як найбольш яскравай часткі матэрыяльна-культурнай спадчыны беларускага народа і вырабаў хатніх рамёстваў і промыслаў: ткацтва, вышыўцы, карункапляцення, разьбы па дрэве, пляцення, медніцтва, ганчарства.
Сталае супрацоўніцтва паміж Нацыянальным гістарычным музеем Рэспублікі Беларусь і Расійскім этнаграфічным музеем трывае ўжо больш за пяць гадоў. “Беларусы.by” стануць ужо трэцім супольным праектам музеяў за гэты час: апроч двух вышэйузгаданых выстаў, у 2010 – 2011 г. у Мінску была прадстаўлена супольная часовая экспазіцыя “Вернутыя імгненні: Яўрэі царскай Расіі”.
Выстава “Беларусы.by” будзе працаваць да 22 сакавіка.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея