Акцыя да выставачнага праекта "Я Вам пішу"

Шаноўныя сябры! Нацыянальны гістарычны музей Рэспублікі Беларусь распачынае ўнікальную інфармацыйна-пазнавальную акцыю ў межах выставачнага праекта “Я вам пішу…”.
Акцыя прадугледжвае цыкл бясплатных аўтарскіх экскурсій для кожнага, хто набыў квіток на выставу, якія правядзе вядомы беларускі гісторык, калекцыянер, лаўрэат прэміі “За духоўнае адраджэнне” Ліхадзедаў Уладзімір Аляксеевіч.
На выставе прадстаўлены старадаўнія лісты і паштоўкі, якія можна пачытаць і ўзяць у рукі, мэбля і пісьмовыя прылады розных эпох. Вас чакае багаты асартымент канцылярскай прадукцыі айчынных і замежных вытворцаў беларускіх магазінаў канца ХІХ – пачатку ХХ ст. Наведвальнікі выставы пабываюць і ў паштовым аддзяленні савецкіх гадоў – стылізаваным пад 50-60-я гады ХХ стагоддзя зале Мінскага галоўпаштамта.
Першыя аўтарскія зборныя экскурсіі адбудуцца 4 лістапада ў 12.00 і 14.00. (у выпадку спазнення можна далучыцца да групы).
Толькі падчас экскурсіі з Уладзімірам Ліхадзедавым вы маеце ўнікальную магчымасць:
Задаць пытанні аўтару выставы “Я вам пішу…”!
Атрымаць арыгінальную паштоўку ў падарунак!