Нацыянальны гістарычны музей Рэспублікі Беларусь
працягвае пошук і паказ каштоўных фотаархіваў. Сённяшная выстава прадстаўляе
фатаграфічную спадчыну ўдзельніка Першай сусветнай вайны капітана лейб-гвардыі
Праабражэнскага палка князя
Барыса Фёдаравіча Абаленскага (1892–1948). Яго сямейны архіў налічвае больш за
500 фотаадбіткаў з 1910-х па 1960-я гады і зараз перахоўваецца ў прыватнай
калекцыі краязнаўцы з Пінска Аляксандра Новарая. Дзякуючы шчырай адкрытасці
Аляксадра, музей атрымаў магчымасць датыкнуцца да гэтай надзвычай каштоўнай
фатаграфічнай спадчыны, якая адкрыла для нас таямнічае Палессе, але з іншага,
даволі нязвыклага боку. Традыцыйна на гэты рэгіён мы глядзелі вачыма знакамітых
этнографаў – перш за ўсе Ісака Сербава, ці праз аб’ектыў творчых фатографаў –
Яна Булгака, Соф’і Хамянтоўскай, Дзмітрыя Георгіеўскага, Юзафа Шыманчыка, Луізы
Бойд. Зараз з’явілася ўнікальная магчымасць пабачыць гэты прыгожы край праз сямейную фатаграфію з фотаальбомаў
Абаленскіх-Данілеўскіх.
З 1921 г. і да канца жыцця Барыс Фёдаравіч разам з жонкай Марыяй (народжанай Данілеўскай, 1900–1946) і дачкой Таццянай (1924–2003) пражывалі ў маёнтку “Стары Двор”, які размяшчаўся непадалёк ад вёскі Лапацін, што на поўдзень ад Пінска.
На выставе змешчаны павялічаныя копіі фатаграфій перыяду 1924–1939 гг. з альбомаў, якія належалі сям’і Абаленскіх. На здымках вёска Лапацін і яе жыхары – простыя вяскоўцы за штодзённай працай і заможныя арыстакраты падчас адпачынку, калі ў Лапацін з’язджаліся шматлікія наведвальнікі і госці . На фота прыгожыя палескія краявіды – рака Стыр падчас вясенніх і восеньскіх разліваў, цэрквы вёсак Дабраслаўка, Каўбы, Радчыцк, знакамітае мястэчка Гарадная ў свята Троіцы, Пінск, у які па справах часта наведваліся Абаленскія.
Адным з нечаканых бонусаў з’явілася знаходка ў сямейным фотаархіве Абаленскіх пяці аўтарскіх фотаатбіткаў славутай фатографкі Палесся Соф’і Хамянтоўскай. Гісторыя іх з’яўлення і самі фотаадбіткі – на выставе “Палескі альбом”.
Выстава працуе з 31 студзеня па 24 сакавіка 2022 г. у Нацыянальным гістарычным музеі па адрасе: г.Мінск, вул. К.Маркса, 12, зала 9.
Урачыстае адкрыццё выставы адбудзецца 1 лютага а 17-й гадзіне.
КОШТ КВІТКОЎ:
Для дарослых: 8 бел.руб.
Для студэнтаў дзённай формы навучання: 6 бел.руб.
Для школьнікаў і навучэнцаў ССНУ: 4 бел.руб.
Для пенсіянераў: 6 бел. руб.
Адрас музея: вул. Карла Маркса, 12
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея