З
10 лістапада 2021 года ў Нацыянальным гістарычным музеі
Рэспублікі Беларусь пачне працаваць выставачны праект “Прамяні святла. Лёс жанчыны ў гады
Халакоста”.
Фотавыстава падрыхтавана Мемарыяльным комплексам гісторыі Халакоста Яд
Вашэм у рамках супрацоўніцтва Нацыянальнага гістарычнага музея Рэспублікі
Беларусь з Ізраільскім культурным цэнтрам “Націў” пры Пасольстве Дзяржавы
Ізраіль у Рэспубліцы Беларусь.
Выстава паказвае лёс яўрэйскіх жанчын у гады Халакосту, іх выбар, душэўную
стойкасць, супраціўленне злу і жорсткасці, з якімі давялося сутыкнуцца. На ёй
будуць прадстаўлены дзевяць тэматычных блокаў, звязаных з цяжарам жыцця жанчын
у гады Халакосту: каханне, мацярынства, аказанне дапамогі бліжнім, захаванне
жаноцкасці, супраціўленне і выратаванне, сяброўства, вера, клопат пра
харчаванне, творчасць. Кожны тэматычны блок дэманструе маштаб жахлівай трагедыі
Халакоста, а таксама апавядае пра промні дабра, надзеі і святла, якія шукалі і
знаходзілі ў сабе яўрэйскія жанчыны ва ўмовах, якія супярэчаць уяўленням пра
чалавечнасць.
