Выстава «Страшна прыгожыя лялькі»

Гасцёўня Уладзіслава Галубка прадстаўляе выставу «Страшна прыгожыя лялькі».

13 мая пачынае сваю працу выстава страшна выдатных лялек з прыватнай калекцыі Алы Алёнінай. Усё жыццё аўтара - гэта творчасць! Яна - дызайнер, мастак, лялечнік, рэстаўратар, тэддист, фларыст, скрапбукер і шмат яшчэ хто...абсалютна любая старэнькая непатрэбная штучка ў яе руках ператвараецца ў сапраўдны твор мастацтва, арыгінальны і эксклюзіўны. Ала бачыць прыгажосць у із'янах і паказвае светса свайго боку.

На выставе прадстаўлена больш за сотню незвычайных, унікальных лялек з элементамі антыкварыяту, аўтарскіх мішак Тэдзі, старадаўніх аксесуараў, адноўленых і рэканструяваных па аўтарскай тэхналогіі, а таксама магічных карцін. Майстар не робіць са старых лялек новыя, яна ўдыхае ў іх жыццё, сваё ... асаблівае, з памяццю і павагай да мінулых стагоддзяў. Па крупінках вяртае да жыцця фрагменты гісторыі, выкарыстоўваючы ў сваіх працах аскепкі, абломкі антыкварных лялек, якія не падлягаюць аднаўленню. Пабітыя антыкварныя вочы, якія засталіся пасля рэстаўрацыі, абломкі лялечных целаў, лысыя парыкі, спарахнелыя ўборы, абломкі бісквітнага фарфору – усё гэтае "смецце" ператвараецца ў руках Алы ў творы мастацтва.

Усе працы, прадстаўленыя на экспазіцыі разнапланавыя, пачынаючы з шэбі-пяшчот і заканчваючы сцімпанкам і нават гранжам, вядома ж з элементамі гламура і шыку. Погляд страшна выдатных лялек Алы зачароўвае, кагосьці замілоўвае, а кагосьці і палохае. Рука майстра, своеасаблівы почырк, бачны заўсёды. Апошнія калекцыі "Гламурныя дзівы" і "Старыя забытыя лялькі" яркае таму пацверджанне. Яны ці бязмерна ўлюбляюць ў сябе, або жа выклікаюць бурны пратэст і нават абурэньне! Адно несумненна - гэтыя штучкі нікога не пакінуць абыякавымі, літаральна выцягваючы з гледачоў эмоцыі.

На сённяшні дзень, прадметы з калекцыі Алы Алёнінай паспяхова выстаўляюцца на міжнародных выставах Іспаніі, Італіі, Германіі, Эстоніі, Японіі, Расіі і нават Кітая. Ала ўдзельніца практычна ўсіх беларускіх лялечных і Тэдзі праектаў, а таксама шматразовы пераможца міжнародных конкурсаў.

Выстава "Страшна прыгожыя лялькі" будзе цікава шырокаму колу гледачоў. Яе задача - пазнаёміць наведвальнікаў з разнастайнасцю лялечнага каралеўства. Досыць складана сабраць разам такую вялікую калекцыю лялек. Многія з іх, адразу пасля выставы, адправяцца падарожнічаць па розных краінах, а некаторыя патрапяць у прыватныя калекцыі і ўжо не будуць даступныя для паказу.

У рамках выставы будуць заяўленыя майстар-класы. Калі вы даўно марыце стварыць нешта сваімі рукамі, але ніяк не вырашаліся пачаць, то Ала Алёніна і яе творчасць могуць стаць для вас тым самым правадніком у чароўны свет аўтарскіх лялек, а таксама вы лёгка і хутка зможаце стварыць унікальны падарунак сабе і сваім блізкім.

Прыходзьце! Будзе цікава!

Гасцёўня Уладзіслава Галубка

Адрас: г. Мінск, вул. Старавіленская, 14

Без выхадных дзён: з 10.00 да 17.30

Тэл. для даведак: (017) 243-74-03