10 сакавіка ў Нацыянальным гістарычным музеі Рэспублікі Беларусь пачынае работу выстава «Жанчына на памежжы дзвюх эпох. Эвалюцыя вобраза і ролі жанчыны на тэрыторыі Беларусі з канца ХІХ па першую чвэрць ХХ стагоддзяў». Выстава прымеркавана да свята 8 Сакавіка і заклікана нагадаць пра яго вытокі і прадэманстраваць эпахальную трансфармацыю жанчыны на стыку ХІХ і ХХ стагоддзяў.
Штогод у шэрагу краін, сярод якіх знаходзіцца і Беларусь, 8 сакавіка адзначаецца Міжнародны жаночы дзень. Ён з’явіўся ў пачатку ХХ стагоддзя як дзень жаночай салідарнасці ў барацьбе за роўныя правы і эмансіпацыю. ХХ стагоддзе працягнула распачатую барацьбу жанчын за грамадзянскія і палітычныя правы. Беларускія жанчыны не сталі выключэннем з агульнасусветнага працэсу.
У гэты час адбываецца карэннае змяненне іх месца і ролі ў грамадстве. Жанчына ХХ стагоддзя стала весці больш актыўны лад жыцця: працаваць і імкнуцца да незалежнасці, займацца спортам, шукаць свой голас у мастацтве. Жанчыны імкнуліся праявіць сябе ў культуры і навуцы, грамадскай дзейнасці і палітыцы. Разам з гэтым змены зведала і жаночае аблічча: шмат жанчын пазбаўляліся ад доўгіх валасоў на карысць кароткіх стрыжак і сталі выбіраць зручныя фасоны адзення, што вызначыла модныя тэндэнцыі.
На выставе адлюстраваны асобы і лёсы як знакамітых дзяячак, якія пакінулі важны след у беларускай гісторыі (сярод якіх Алаіза Пашкевіч, Паўліна Мядзёлка, Соф’я Шамардзіна і іншыя), так і малавядомых прадстаўніц сваёй эпохі.
Пра тое, як пачыналася эпоха жанчын наведвальніцам і наведвальнікам выставы распавядуць фатаграфіі, дакументы і графічныя работы са збору Нацыянальнага гістарычнага музея Рэспублікі Беларусь, Беларускага дзяржаўнага архіва-музея літаратуры і мастацтва і Дзяржаўнага музея гісторыі беларускай літаратуры.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея