6 сакавіка 2020 года ў 9:00 у Нацыянальным гістарычным музеі Рэспублікі Беларусь адбудзецца навуковы семінар “Вытокі беларускай археалогіі. ПАЎНОЧНЫ ЗАХАД: АД ПАЛЕАЛІТУ ДА КАЛОЖЫ” (да 205-годдзя з дня нараджэння Я. Тышкевіча і 150-годдзя з дня нараджэння І. Стаброўскага).
Мерапрыемства прысвечана памяці двух выбітных постацяў у беларускай археалогіі – Яўстаху Тышкевічу і Іосіфу Стаброўскаму. Іх памятныя даты прыпалі на 2019 г., але магчымасць адзначыць іх належным чынам з’явілася толькі зараз.
Яўстах Тышкевіч (18.04.1814 – 08.09.1873) – беларускі археолаг, гісторык, этнограф, краязнавец і фалькларыст, заснавальнік Віленскага музея старажытнасцяў і Віленскай археалагічнай камісіі. Даследаваў крывіцкія курганы, гарадзішчы і замчышчы ў Мінску, Слуцку, Друцку, Заслаўі, Лідзе, Крэве, Гальшанах, Міры. Аўтар шматлікіх прац па археалогіі і краязнаўству.
Іосіф Стаброўскі (02.11.1869 – 15.01.1968) вывучаў старажытную гісторыю Слонімшчыны і суседніх раёнаў, даследаваў курганы ў басейне Нёмана. Вялікая калекцыя гісторыка-археалагічных матэрыялаў, сабраных Іосіфам Стаброўскім, стала асновай Слонімскага краязнаўчага музея, дзе ён быў дырэктарам і захавальнікам фондаў.
Запрашаем Вас прыняць удзел у абмеркаванні пытанняў археалогіі Паўночнага Захаду Беларусі: гісторыя археалагічнага вывучэння басейнаў рэк Нёман і Вілія; працы Я. Тышкевіча, І. Стаброўскага, В. Шукевіча, А. Цэгак-Галубовіч на гэтых тэрыторыях; вынікі апошніх археалагічных даследаванняў у Паўночна-Заходняй Беларусі.
Спадзяемся, што семінар пакладзе пачатак тэматычным мерапрыемствам, прысвечаным выбітным постацям у археалогіі Беларусі.
Нацыянальны гістарычны музей Рэспублікі Беларусь
Мінск, вул. К.Маркса, 12
Семінар працуе 06.03.2020 з 9:00 да 20:00
Тэл.: 327-43-22
Па арганізацыйных пытаннях: 373-55-08
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея