З 5 снежня 2019 г. у галерэі Нацыянальнага гістарычнага музея Рэспублікі Беларусь адкрыта выстава мастака–пастаноўшчыка Беларускага дзяржаўнага акадэмічнага музычнага тэатра Іллі Падкапаева “ХРАНАТОП_2.1... Прастора/час 2.1.”.
У аснову канцэпцыі выставы пакладзены разважанні і назіранні мастака на тэму прасторы/часу чалавека ХХ – пачатку XXI ст. Рознасць тэхнік, манер і матэрыялаў маюць для аўтара вызначальнае значэнне. Так, у халодны, шэра–сталёвы каларыт мастак укладвае вобразы вайны і бязлітаснасці часу. Чырвоны з'яўляецца адначасова біпалярным сімвалам нараджэння і смерці. Блакітны і сіні становяцца колерамі міру і надзеі.
Ідэю ўвасаблення вобразаў аўтар выбудоўвае на аснове быцця чалавека, яго існавання і канфлікту паміж “Я цяпер” і “Я пасля”. Агульным ў вырашэнні прасторы фармату становіцца яго ўнутраны/знешні канфлікт – яго аналіз і рэпрэзентацыя. У экспазіцыі будуць прадстаўлены жывапісныя і графічныя работы, зробленыя за апошнія некалькі гадоў.
Падкапаеў Ілля Мікалаевіч нарадзіўся 14 лістапада 1990 г. У 2010 г. скончыў Віцебскі дзяржаўны каледж культуры і мастацтваў па спецыяльнасці “дызайн”, у 2015 г. – Віцебскі дзяржаўны тэхналагічны ўніверсітэт па спецыяльнасці “дызайн прадметна–прасторавага асяроддзя”. У гады вучобы ва ўніверсітэце ўдзельнічаў у стварэнні “Канцэпцыі брэндзіравання Віцебскага рэгіёну сродкамі дызайну” (праект ўладкавання Парка тысячагоддзя “Line” у г. Віцебску). У 2019 г. скончыў аспірантуру Беларускага дзяржаўнага універсітэта культуры і мастацтваў.
З 2018 г. працуе ў трупе Беларускага дзяржаўнага акадэмічнага музычнага тэатра мастаком–пастаноўшчыкам. Удзельнічаў у больш чым 10 пастаноўках, у тым ліку балетах “Сем смяротных грахоў”, “Шчаўкунок”, “Дзюймовачка”, “Спячая прыгажуня” і іншых. Сябра Беларускага саюза дызайнераў.
У сферу навуковых інтарэсаў уваходзяць структура і семантыка тэатральнай прасторы, хранатоп музычнага спектакля, семіётыка і філасофія прасторы–часу тэатральнага твора.
Нацыянальны гістарычны музей Рэспублікі Беларусь
г. Мінск, вул. Карла Маркса, 12
Тэл.: (017) 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея