Адкапаем Беларусь Разам!
14 лістапада 2019 года а 18–й гадзіне ў Нацыянальным гістарычным музеі Рэспублікі Беларусь пройдзе прэзентацыя вынікаў археалагічных даследаванняў 2019 года “Археалагічнае лета з музеем”.
У гэтым палявым сезоне Нацыянальны гістарычны музей Рэспублікі Беларусь сумесна з Міжнародным дзяржаўным экалагічным інстытутам імя А. Дз. Сахарава Беларускага дзяржаўнага ўніверсітэта, Беларускім дзяржаўным музеем народнай архітэктуры і побыту, а таксама Цэнтрам рэгіянальнага развіцця “Браслаў” праводзіў маштабныя археалагічныя даследаванні ў Мядзельскім і Маладзечанскім раёнах Мінскай вобласці, у Браслаўскім раёне Віцебскай вобласці і Шчучынскім раёне Гродзенскай вобласці.
Унікальнасць археалагічных экспедыцый Нацыянальнага гістарычнага музея Рэспублікі Беларусь заключаецца ў тым, што яны сталі магчымымі дзякуючы шчыльнаму супрацоўніцтву дзяржаўных устаноў і недзяржаўных арганізацый, матэрыяльнай падтрымцы шматлікіх спонсараў і ўдзелу сотняў добраахвотнікаў. На працягу лета і пачатку восені нашыя валанцёры паўдзельнічалі ў раскопках могільнікаў крывічоў у Мядзельскім і Браслаўскім раёнах, у вывучэнні кляштара бернардзінцаў у Будславе і ўніяцкага Браслаўскага манастыра на аднайменным востраве, у даследаваннях на месцы знаходак двух скарбаў раннелітоўскіх манет XIV і XV стст. на Маладзечаншчыне і Шчучыншчыне.
Экспедыцыі Нацыянальнага гістарычнага музея Рэспублікі Беларусь – гэта не толькі навуковыя даследаванні, але і валанцёрскія летнікі, якія збіраюць шмат аматараў айчыннай гісторыі і з’яўляюцца своеасаблівымі археалагічнымі музейнымі лабараторыямі, якія дазваляюць пашырыць навуковую і навукова–асветніцкую працу музея далёка па–за яго межамі.
Падчас прэзентацыі будуць агучаныя асноўныя вынікі раскопак 2019 года, а таксама адбудзецца ўручэнне ганаровых грамат і сертыфікатаў усім спонсарам і валанцёрам экспедыцый. Удзельнікі мерапрыемства таксама змогуць азнаёміцца з фотавыставай “Навука з рыдлёўкай і ўсмешкай на твары”.
Нацыянальны гістарычны музей Рэспублікі Беларусь
Мінск, вул. Карла Маркса, 12
Тэл.: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея