Сёння па ўсёй краіне на дарогах чакаецца галаледзіца. Ёй звычайна спадарожнічаюць блізкая да нуля тэмпература паветра, высокая вільготнасць, вецер.

Пры галаледзіцы значна павялічваецца колькасць вулічных траўмаў: удары, вывіхі і пераломы.

Каб не патрапіць у лік пацярпелых, да неспрыяльных умоў можна падрыхтавацца - паўтарыць простыя правілы і вывучыць іх з дзецьмі:

Звярніце ўвагу на свой абутак: падбярыце не слізгальны абутак з падэшвай на мікрапорыстай аснове. Ад высокіх абцасаў лепш адмовіцца. Пажылым людзям рэкамендуецца выкарыстоўваць кіёк з гумовым наканечнікам або спецыяльны палку з завостранымі шыпамі.

Глядзіце сабе пад ногі, імкніцеся абыходзіць небяспечныя месцы. Калі ледзяную «лужыну» абыйсці немагчыма, то перасоўвайцеся па ёй, як лыжнік, невялікімі слізгальнымі крокамі.

Старайцеся абыходзіць усе месцы з нахільнай паверхняй.

Наступаць варта на ўсю падэшву, ногі злёгку паслабіць у каленях.

Рукі па магчымасці павінны быць вольныя, старайцеся не насіць цяжкія сумкі, не трымайце рукі ў кішэнях - гэта павялічвае верагоднасць падзення. Калі Вы паслізнуліся, прысядзьце, каб знізіць вышыню падзення.

У момант падзення паспрабуйце згрупавацца, і, перакаціўшыся, змякчыць удар аб зямлю. Не спрабуйце выратаваць рэчы, якія нясеце ў руках.

Не спяшайцеся падняцца, агледзіце сябе, ці няма траўмаў, папытаеце мінакоў дапамагчы.

Памятайце: асабліва небяспечныя падзенні на спіну, уверх тварам, так як можна атрымаць страсенне мозгу.

Будзьце вельмі ўважлівымі пры пераходзе дарогі: не спяшайцеся, і тым больш не бяжыце. Абавязкова пераканайцеся, што аўтамабіль спыніўся, каб вас прапусціць.

Яшчэ адну небяспеку прынёс з сабой перапад тэмператур - ледзяшы.

Што ж рабіць, каб не аказацца ў бальніцы?

Пры руху па вуліцах трымайцеся далей ад дамоў!

Зважайце на брылі будынкаў. Часцей за ўсё ледзяшы ўтворацца над вадасцёкамі, таму гэтыя месцы фасадаў хат бываюць асабліва небяспечныя, іх неабходна абыходзіць бокам, пажадана на адлегласці не менш за 3 метры.

Не ігнаруйце аб'явы «Асцярожна! Ледзяшы!».

Калі падчас руху па тратуары, вы пачулі наверсе падазроны шум - не спыняйцеся, не падымайце галаву і не разглядайце, што там здарылася. Магчыма, гэта сход снега ці ледзяной груды. Уцякаць ад будынка таксама нельга. Трэба як мага хутчэй прыціснуцца да сцяны, казырок даху паслужыць хованкай.

Выконвайце правілы! Беражыце сябе і сваіх блізкіх!