У Музеі гісторыі тэаральнай і музычнай культуры, філіяле Нацыянальнага гістарычнага музея Рэспублікі Беларусь, арганізавана выстава па выніках аднайменнага конкурса дзіцячай творчасці на калядную тэматыку “Калядныя замалёўкі – 2025”.

Конкурс “Калядныя замалёўкі” заснаваны па ініцыятыве Музея гісторыі тэатральнай і музычнай культуры пры падтрымцы Мінскай гарадской арганізацыі Беларускага прафсаюза работнікаў культуры.

Конкурс праводзіцца з мэтай падтрымкі і заахвочвання таленавітых дзяцей і падлеткаў на стварэнне высокамастацкіх работ, стварае ўмовы для рэалізацыі творчых здольнасцей удзельнікаў, заахвочвання да самарэалізацыі і самаўдасканалення, замацаваць і развіць практыку сумеснай творчай працы устаноў культуры і адукацыі.

Конкурс закліканы прыцягнуць увагу да святкавання Калядаў, садзейнічаць далучэнню дзяцей і падлеткаў да беларускай народнай культуры і развіццю творчых здольнасцей, дае магчымасць удзельнікам паказаць сваё бачанне свята “Калядаў”.

У конкурсе прынялі удзел навучэнцы цэнтраў пазашкольнай работы і сярэдніх школ горада Мінска. На выстаўцы прадстаўлены малюнкі, вышыўкі, вырабы з керамікі, пап’е-машэ, саломкі і іншыя.

Перад журы стаяла нялёгкая задача – вызначыць пераможцаў па пяці намінацыях:

• лепшы твор выяўленчага мастацтва,

• лепшы твор дэкаратыўна-прыкладнога мастацтва,

• лепшы калектыўны твор,

• маленькі творца,

• сімпатыі журы.

Пераможцы конкурса ўзнагорджваюцца дыпломамі і прызамі. Усе астатнія ўдзельнікі атрымаюць пасведчанні аб удзеле ў конкурсе.

Выстаўка будзе працаваць з 23 снежня 2025 года па 15 студзеня 2026 года.