4 красавіка 2026 года ў Музеі прыроды і экалогіі, філіяле Нацыянальнага гістарычнага музея Рэспублікі Беларусь, распачынае работу часовая экспазіцыя “Хараство камянёў”.

Свет мінералаў гэтак жа разнастайны, як і цікавы: кожны камень распавядае складаную геалагічную гісторыю Зямлі. Сярод гэтых цудаў прыроды ёсць некалькі мінералаў, якія вылучаюцца не толькі сваёй прыгажосцю, але і рэдкасцю, высокай каштоўнасцю. З даўніх часоў людзі надзялялі камяні магічнымі, астралагічнымі і лячэбнымі ўласцівасцямі, але толькі ў руках ювеліра яны могуць па-сапраўднаму раскрыць сваю прыгажосць і стаць упрыгожаннем.

Выстава “Хараство камянёў” прадставіць геалагічныя ўзоры з фондавай калекцыі “Мінералы”. Сярод экспанатаў можна ўбачыць рэдкія экземпляры, а таксама вытанчаныя вырабы з яшмы, малахіту, селеніту, аметысту.

Часовая экспазіцыя дазволіць атрымаць асалоду ад прыгажосці і разнастайнасці музейных прадметаў.