Сусветны дзень аховы працы 25 красавіка 2025 года

Тэма Сусветнага дня аховы працы 28 красавіка 2025 года «Рэвалюцыя ў галіне аховы працы: роля штучнага інтэлекту і цыфравізацыі на працоўным месцы».

Штогод 28 красавіка Міжнародная арганізацыя працы (МАП) адзначае Сусветны дзень аховы працы. Гэта таксама Міжнародны дзень памяці рабочых, якія загінулі або атрымалі траўмы на працы.

Сусветны дзень аховы працы ў 2025 годзе будзе прысвечаны вынікам уздзеяння цыфравізацыі і штучнага інтэлекту на бяспечныя і здаровыя ўмовы працы работнікаў.

Новыя лічбавыя тэхналогіі ўжо зараз мяняюць свет, і ахова працы не з’яўляецца выключэннем. Якія тэхналогіі ўплываюць на ахову працы сёння: штучны інтэлект і машыннае навучанне для прагназавання рызыкаў; перспектыўныя робаты і экзаскелеты, якія павышаюць эфектыўнасць і зніжаюць нагрузку на работнікаў; беспілотныя лятальныя апараты для маніторынгу небяспечных зон; сродкі для адсочвання ўмоў працы ў рэальным часе; віртуальная і дапоўненая рэальнасць для навучання і мадэлявання небяспечных сітуацый.

Міжнародная арганізацыя працы падрыхтуе даклад і матэрыялы аб тым, як гэтыя інавацыі дапамагаюць стварыць бяспечную і здаровае рабочае асяроддзе, а таксама тое, што ўрады, працадаўцы, работнікі ўжо робяць, каб адаптавацца і рэагаваць на гэтыя новыя выклікі і змены.

Вытокі Сусветны дзень аховы працы бярэ з Дня памяці рабочых, якія загінулі або атрымалі траўмы на працы. Міжнародная канфедэрацыя свабодных прафсаюзаў (МКСП) і міжнародны прафсаюзны рух ператварылі гэты дзень у падзею агульнасусветнага маштабу, пашырылі яго тэматыку, уключыўшы пытанні стабільнай занятасці і працоўных месцаў.

З 1996 г. яго адзначаюць прафсаюзы ва ўсім свеце. У 2003 г. МАП прапанавала адзначаць гэты дзень афіцыйна. Сёння яго адзначаюць 175 краін, уключаючы Рэспубліку Беларусь.

У Сусветны дзень аховы працы праводзіцца інфармацыйна-тлумачальная кампанія, якая заклікана прыцягнуць увагу грамадскасці да праблем у галіне аховы працы і да росту колькасці пашкоджанняў, захворванняў і смяротных выпадкаў, звязаных з працоўнай дзейнасцю. Яе мэта — садзейнічаць прадухіленню няшчасных выпадкаў і захворванняў на працоўных месцах ва ўсім свеце.

Кожны год МАП выбірае актуальную тэму, звязаную з бяспекай і гігіенай працы, якой будзе надавацца асаблівая ўвага. Першай такой тэмай у 2003 г.была «Культура аховы працы ва ўмовах глабалізацыі». У 2020 г. — «Спыніць пандэмію: ахова працы можа выратаваць жыцці людзей». У 2024 г. — «уплыў змены клімату на бяспеку і гігіену працы».

Ва ўсіх рэгіёнах свету ўрады, прафсаюзныя арганізацыі, арганізацыі працадаўцаў і спецыялісты па ахове працы арганізуюць мерапрыемствы да Сусветнага дня аховы працы. У гэты дзень праходзяць круглыя сталы, семінары, выставы, канферэнцыі, форумы, прысвечаныя актуальным праблемам аховы працы.

У Беларусі напярэдадні Сусветнага дня аховы працы таксама праводзяць цырымоніі ўзнагароджання работнікаў, занятых у галіне аховы працы.