Дарагія сябры! Музей гісторыі беларускага кіно, філіял Нацыянальнага гістарычнага музея Рэспублікі Беларусь, сумесна з Нацыянальнай кінастудыяй «Беларусьфільм» запускае новы праект, цыкл тэматычных кіналекторыяў па беларускіх дакументальных фільмах.

У чым магія неігравога кіно? У людзях! Героі дакументальных фільмаў-рэальныя людзі. Такія ж, як мы з вамі: мы жывем з імі па суседстве, сустракаемся ў крамах, ездзім у метро, наведваем мерапрыемствы. Падобныя і адначасова не падобныя на нас, са сваімі думкамі, пачуццямі, перажываннямі…

Наведванне нашага кіналекторыя – гэта магчымасць стаць бліжэй да сябе, а таксама паглыбіць веды аб дакументальным кіно, даведацца больш аб яго гісторыі, жанрах, падыходах і метадах.

Вас чакаюць:

майстар-класы ад вопытных рэжысёраў;

унікальная магчымасць пагутарыць з прадстаўнікамі здымачных груп;

цікавыя дыскусіі, карысныя веды і выдатная атмасфера!

Запрашаем разам з намі акунуцца ў свет дакументальнага кіно!

Першы тэматычны кіналекторый «Увага, трэці званок…» адбудзецца 26 верасня ў 17:00.

Спіс фільмаў:

1.  «Святлана Данілюк», 39 хв. Рэжысёр Максім Федасееў;

2.  «ПРАСТОРА Яўгена Лысіка» , 13 хв. Рэжысёр Наталля Жамойдзік;

3.  «Ларыса Александроўская», 20 мін.Рэжысёр Адольф Канеўскі.

Музей гісторыі беларускага кіно, вул. Свярдлова, 4, падрабязнасці і запіс па тэлефоне 8017 397 86 75