3 красавіка 2025 года ў рамках работы Дэкады студэнцкай навукі на філалагічным факультэце адбылася адукацыйная сустрэча на тэму: «Унікальныя скарбы Рэспублікі Беларусь: гісторыка-культуралагічны аспект».
У якасці спікера выступіў навуковы супрацоўнік аддзела музейных камунікацый Нацыянальнага гістарычнага музея Рэспублікі Беларусь, магістр мастацтвазнаўства, Сяргей Уладзіміравіч Шостак. Студэнты другога і трэцяга курсаў філалагічнага факультэта пазнаёміліся з гісторыяй і традыцыямі захоўвання і пошуку скарбаў на тэрыторыі Беларусі. У ходзе мерапрыемства Сяргей Уладзіміравіч прадставіў картаграфію скарбаў, пазнаёміў з унікальнымі знаходкамі, якія прадстаўляюць вялікую гістарычную і культурную каштоўнасць.