Выстава жывых пеўчых і дэкаратыўных птушак ў Музеі прыроды і экалогіі
2 сакавіка 2025 года ў выставачнай зале Музея прыроды і экалогіі адкрыецца выстава жывых пеўчых і дэкаратыўных птушак.
Насельнікі Аўстраліі, Азіі, Афрыкі, пустыняў і прэрый Паўночнай Амерыкі, лясоў Беларусі з радасцю павітаюць сваім шматгалоссям нашых гасцей.
У экспазіцыі будуць прадстаўлены разнастайныя амадзіны – сямейства павойных ткачыкаў: маляўнічыя амадзіны Гульда, белыя, карычневыя японскія, зебровыя, белыя рысавыя. На выставе можна паназіраць за рознымі пародамі канарэек: фіёрына, норвіч, глостэр і іншыя. Сярод прадстаўленых – іспанская пеўчая канарэйка Цімбрадас, якая лічыцца адной з самых старажытных парод. Акрамя таго, наведвальнікі змогуць убачыць шчыгла, чыжа, снегіроў, мексіканскую сачавіцу, пеўчых папугаяў, карэлу, кітайскага кольчатага папугая і многія іншыя віды.
Выстава зацікавіць як дарослых, так і дзяцей. Для маленькіх наведвальнікаў арганізавана інтэрактыўная зона.
