Конкурс “Калядныя замалёўкі” на лепшы дзіцячы малюнак ці выраб дэкаратыўна-прыкладнога мастацтва на калядную тэматыку заснаваны ў 2011 годзе.

Конкурс праводзіцца з мэтай падтрымкі і заахвочвання таленавітых дзяцей і падлеткаў на стварэнне высокамастацкіх работ, закліканы прыцягнуць увагу да святкавання Калядаў, садзейнічаць далучэнню дзяцей і падлеткаў да беларускай народнай культуры і развіццю іх творчых здольнасцей, дае магчымасць удзельнікам паказаць сваё бачанне свята Калядаў.

Удзельнікамі конкурса могуць стаць навучэнцы пазашкольных устаноў, агульнаадукацыйных і мастацкіх школ, гімназій, ліцэяў, каледжаў Рэспублікі Беларусь ва ўзросце ад 5 да 17 гадоў. Да ўдзелу ў конкурсе дапускаюцца работы на калядную тэматыку, ад кожнага ўдзельніка па адной працы.

На конкурс прымаюцца жывапісныя і графічныя малюнкі, вышыўкі (фармат не больш за А3), вырабы з керамікі, пап’е-машэ, макрамэ, саломкі і іншыя вырабы дэкаратыўна-прыкладнога мастацтва на калядную тэматыку.

Умовы конкурсу:

• работы павінны быць аформлены і падрыхтаваны да экспанавання,
• мець анатацыю, надрукаваную шрыфтам TimesNewRoman 16, міжрадковы інтэрвал – 1,0,
• конкурсныя работы мінулых гадоў не прадстаўляць.

Работы прымаюцца з 01.12 па 15.12.2024 г.

па адрасе: г.Мінск, завулак Музычны, 5.

Тэлефон для даведак: 8017326 26 67.