20 сакавіка 2025 года ў Музеі гісторыі беларускага кіно, філіяле Нацыянальнага гістарычнага музея Рэспублікі Беларусь, пачынае працу фотавыстава “Пушкінскія Горы. Вызваленне” са сбору Мемарыяльнага гісторыка-літаратурнага і прыродна-ландшафтнага музея-запаведніка А.С. Пушкіна “Міхайлаўскае”. Выстава прысвечана 80-годдзю Вялікай Перамогі ў Вялікай айчыннай вайне 1941-1945 гг.

На экспазіцыі будуць прадстаўлены фотаздымкі з фондаў Пушкінскага запаведніка з выявамі мемарыяльных сядзіб, паркаў, Святагорскага манастыра, пасёлка Пушкінскія Горы. Фотаздымкі зроблены ў 1944-1947 гг. па выніках наведвання Надзвычайнай дзяржаўнай камісіі па ўстанаўленні і раследаванні злачынстваў нямецка-фашысцкіх захопнікаў. Акт здзейненых злачынстваў быў агучаны на Нюрнбергскім працэсе ў Германіі.

На здымках адлюстраваны разбурэнні ў пскоўскіх пушкінскіх месцах, акупаваных нямецка-фашысцкімі захопнікамі, а таксама працэс аднаўлення музея пасля вызвалення раёна ў ліпені 1944 года.

У рамках дзеяння выставы плануецца дэманстрацыя тэматычных дакументальных фільмаў, якія раскрываюць гісторыю і шлях вызвалення пасёлка Пушкінскія Горы.