Выстаўка Расійскай дзяржаўнай бібліятэкі мастацтваў “Узброеныя любоўю. Артысты на вайне” распавядае пра акцёраў, музыкантаў, спевакоў, танцораў, якія ў складзе рэгулярных часцёй Чырвонай Арміі, тэатральных і канцэртных брыгад прайшлі праз Вялікую Айчынную вайну. На перадавой, у тылу і шпіталях яны падтрымлівалі баявы дух салдат і афіцэраў – гэта была іх прафесийная і чалавечая місія.

Для байцоў іх выступленні былі сімвалам мірнага жыцця, якога яны былі пазбаўлены і пра якое марылі ў рэдкія хвіліны франтавых зацішшаў. Вялікай цеплынёй вылучаліся выступленні артыстаў у шпіталях і санітарных цягніках. Іх радасныя “лекі” напаўнялі новымі сіламі параненых, дапамаглі хутчэй паправіцца, вярнуцца ў шэрагі байцоў.

На зборы ад спектакеляў і канцэртаў, пералічаныя ў фонд абароны, былі пабудаваныя батарэі “кацюш”, эскадрыллі самалётаў і дзясяткі танкаў.

У экспазіцыі прадстаўлены матэрыялы кніжнага і іканаграфічнага фондаў бібліятэкі.

Выстаўка суправаджаецца аўдыязапісамі фрагментаў успамінаў артыстаў і байцоў. Кожны яе раздзел абсталяваны ўнікальным QR -кодам, які дазваляе слухаць аўдыё-суправаджэнне прадстаўленай на планшэце тэмы.

Экспазіцыя стала пераможцам Усерасійскага конкурса бібліятэчных праектаў, прысвечаных значным датам айчыннай гісторыі, прымеркаванай да 80-годдзя з пачатку Вялікай Айчыннай вайны.

Уваход на часовую экспазіцыю па ўваходнаму квітку ў музей.