31 студзеня 2025 года ў Музеі прыроды і экалогіі, філіяле Нацыянальнага гістарычнага музея Рэспублікі Беларусь, адкрываецца часовая экспазіцыя мінералаў з фондавых калекцый музея – «Хараство камянёў».

Свет мінералаў гэтак жа разнастайны, як і займальны: кожны камень распавядае гісторыю складанай геалагічнай гісторыі Зямлі. Сярод гэтых цудаў прыроды есць некалькі абраных мінералаў, якія вылучаюцца не толькі сваёй прыгажосцю, але і надзвычайнай рэдкасцю і высокай каштоўнасцю. З даўніх часоў людзі надзяляюць камяні магічнымі, астралагічнымі і лячэбнымі ўласцівасцямі, але сапраўды раскрыць сваю прыгажосць і стаць упрыгожваннем змогуць толькі ў руках ювеліра.

Магічны горны крышталь, лазурыт – самы вядомы мінерал сіняга тону, малахіт і дымчаты кварц, індыйскі авантурын, незвычайная жэода бразільскага аметыста і шмат чаго іншага змогуць убачыць наведвальнікі выставы «Хараство камянёў».

Часовая экспазіцыя не толькі ўзбагаціць ведамі ўсіх, хто яе наведае, але і дазволіць атрымаць асалоду ад таямніц прыроды.

Неабсяжны свет мінералаў чакае Вас!