🌸 У рамках Года беларускай жанчыны Нацыянальны гістарычны музей Рэспублікі Беларусь працягвае добрую традыцыю ўшанавання супрацоўніц з нагоды іх дзён нараджэння.
🌞 Ліпень – самы цёплы месяц лета, напоўнены яркімі фарбамі, сонечным святлом і асаблівым адчуваннем радасці. Менавіта ў гэты час у музеі адбылося традыцыйнае віншаванне супрацоўніц, якія адзначаюць свой дзень нараджэння.
💐 У адрас нашых калег прагучалі шчырыя словы падзякі за прафесіяналізм, адказнае стаўленне да сваёй справы, ініцыятыўнасць і значны ўклад у захаванне, вывучэнне і папулярызацыю гісторыка-культурнай спадчыны Беларусі.
🎁 Ва ўрачыстай атмасферы імянінніцам уручылі памятныя падарункі і пажадалі моцнага здароўя, дабрабыту, невычэрпнага натхнення, новых прафесійных поспехаў і здзяйснення самых запаветных жаданняў.
🌿 Такія сустрэчы сталі важнай часткай карпаратыўнай культуры музея, аб’ядноўваючы калектыў, умацоўваючы атмасферу ўзаемнай павагі, падтрымкі і добразычлівасці. Яны нагадваюць, што поспех установы складаецца са штодзённай працы кожнага супрацоўніка, а жанчыны ўносяць неацэнны ўклад у развіццё музейнай справы, навукі і культуры Рэспублікі Беларусь.