Тэма сусветнага дня аховы працы ў 2026 годзе – “Давайце забяспечым здаровае псіхасацыяльнае працоўнае асяроддзе”.

Псіхасацыяльнае працоўнае асяроддзе вызначаецца тым, як спраектавана, арганізавана і кіруецца работа, а таксама арганізацыйнымі практыкамі, якія фарміруюць паўсядзённыя ўмовы працы. Псіхасацыяльныя фактары, такія як нагрузка і рэжым працы, яснасць роляў, аўтаномія, падтрымка, а таксама справядлівыя і празрыстыя працэсы аказваюць істотны ўплыў на тое, як успрымаецца праца, і закранаюць бяспеку, здароўе і прадукцыйнасць работнікаў.

Калі псіхасацыяльныя фактары наносяць шкоду работнікам, яны ператвараюцца ў вытворчыя небяспекі, якія нараўне з фізічнымі, хімічнымі і біялагічнымі фактарамі неабходна выяўляць і кантраляваць для забеспячэння бяспечных і здаровых умоў працы.

У азнаменаванне Сусветнага дня аховы і бяспекі працы 28 красавіка 2026 года Міжнародная арганізацыя працы (МАП) прадставіць матэрыялы інфармацыйнай кампаніі, уключаючы глабальны даклад і прэзентацыю ў фармаце PowerPoint. У дакладзе будуць выкарыстаны арганізацыйны, прафілактычна арыентаваны падыход, а псіхасацыяльныя фактары разгледжаны на трох узроўнях: узровень канкрэтнай пасады, узровень кіравання і арганізацыі працы, а таксама ўзровень арганізацыйных практык у цэлым.

Міжнародны дзень 28 красавіка прысвечаны памяці працоўных, якія загінулі, атрымалі траўмы або прафесійныя захворванні з прычыны небяспечных, нездаровых і непрымальных умоў працы. З моманту першай міжнароднай цырымоніі, прысвечанай 28 красавіка, якая адбылася ў 1996 годзе ў Арганізацыі Аб’яднаных Нацый у Нью-Йорку, ініцыятыва правядзення Міжнароднага дня памяці стала ахопліваць прафсаюзны рух усяго свету.

Пачынаючы з 2003 года, 28 красавіка Міжнародная арганізацыя працы праводзіць Сусветны дзень аховы працы, акцэнтуючы ўвагу на мерах па прадухіленні аварый і траўматызму на працоўным месцы, з мэтай скарыстацца існуючым традыцыйным патэнцыялам трохбаковага падыходу і сацыяльнага дыялогу.

Мерапрыемства праводзіцца ў рамках Глабальнай стратэгіі МАП у галіне бяспекі і гігіены працы, якая знайшла дакументальнае пацвярджэнне ў высновах Міжнароднай канферэнцыі працы ад чэрвеня 2003 года. Прапагандысцкая дзейнасць з’яўляецца адным з асноўных напрамкаў Глабальнай стратэгіі, а Сусветны дзень аховы працы з’яўляецца важным інструментам у частцы павышэння ўзроўню інфармаванасці аб тым, як павысіць бяспеку і палепшыць умовы на працоўных месцах, як садзейнічаць павышэнню палітычнага значэння бяспекі і здароўя на працоўных месцах.