Музей гісторыі беларускага кіно працягвае паказы класікі нямога беларускага кінематографа. 28 красавіка гледачам будзе прапанаваны фільм «Палескія рабінзоны» (1934, рэж. Л. Малчанаў).
Прыгодніцкая аповесць Янкі Маўра «Палескія рабінзоны» карысталася папулярнасцю і ў 1930–я гады, калі толькі выйшла, і ў пасляваенныя часы. Яе чыталі і на хвалі беларускага адраджэння. І сённяшнія школьнікі ацэняць неўміручую аўтарскую прагу да вандровак і вынаходніцтваў. Таму не дзіўна, што аповесць неаднаразова экранізавалася, і ўпершыню – ўсяго толькі праз чатыры гады пасля выхаду кнігі.
Гурт «Фантастычныя Плыўцы» спецыялізуюцца на спантаннай імправізацыі і аператыўнай кампазіцыі з выкарыстаннем пераважна акустычных інструментаў (фартэпіяна, саксафон, кантрабас, перкусія). У складзе задзейнічаны вядомыя на альтэрнатыўнай сцэне музыкі – Эрык Арлоў–Шымкус, Фрыдрых Самотны, Дзяніс Кудраўцаў, Васіль Панкратаў ды інш.
Гурт існуе з 2005 г., запісаў каля дзесятка альбомаў (як студыйных, так і канцэртовых). У межах фестывалю «Кінемо» агучыў нямы фільм «Sur un Air de Charleston» (1927). На замову лэйблу Mahorka (Балгарыя) стварыў уласны трыб’ют Pink Floyd. Гукасэсія для скрайняга альбома «Concerto Grosso #7» адбылася акурат у галерэі Саюзу беларускіх дызайнераў з удзелам брытанскага саксафаніста Філа Пальмэра.
Для агучвання фільму «Палескія Рабінзоны» склад «Фантастычных Плыўцоў» будзе пашыраны капэлай «На Таку». Такім чынам, атанальныя пасажы й экспрэсіўная какафонія будуць перамяжацца з аўтэнтычнымі палескімі песнямі ды танцамі. Увогуле жывы саўндтрэк мусіць плаўна перацекчы ў агульную танцавальную імпрэзу.
Кошт квітка – 5 руб.
Даведкі па тэл. (017) 327–10–75, (029) 627–10–75
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея