У філіяле Нацыянальнага гістарычнага музея Рэспублікі Беларусь: "Дом–музей I з'езда РСДРП" з 29 сакавіка па 30 красавіка будзе дэманстравацца выстава "Кастрычнік у фалерыстыцы", якая падрыхтавана да стагоддзя кастрычніцкіх падзей у Мінску.
У год стагоддзя падзей 1917–га года, Дом–музей I з'езда РСДРП працягвае знаёміць наведвальнікаў з выставачнымі праектамі, якія прысвечаны перыяду рэвалюцыі. Тэма Кастрычніка знайшла адлюстраванне не толькі ў плакатнай графіцы, жывапісе, кінамастацтве, але і ў малюнках на значках і нагрудных знаках.
У Савецкім Саюзе некалькі дзесяткаў прадпрыемстваў займаліся выпускам значкаў і іншых нагрудных знакаў. Некаторыя выпускаліся вялікімі партыямі, наклад іншых абмяжоўваўся невялікай колькасцю, асобнікі якіх цяпер занесены ў каталог самых каштоўных прадметаў.
За ўсю гісторыю савецкай дзяржавы было выпушчана мноства рознатэматычных значкоў, у тым ліку з тэматыкай 1917 года, якія на сённяшні дзень сталі прадметамі калекцыянавання фалерыстаў усяго свету.
Фалерыстыка – гэта збіранне ордэнаў, медалёў, значкоў, любых нагрудных знакаў (у тым ліку ганаровых, юбілейных, аб заканчэнні навучальных устаноў і г. д.).
На выставе можна будзе ўбачыць некалькі дзясяткаў нагрудных знакаў і медалёў, юбілейных значкоў розных гадоў часоў СССР, а таксама адны з першых, якія былі выпушчаны ў першай палове ХХ стагоддзя: значок «Байцу Чырвонай гвардыі і чырвонаму патрыёту», медаль «Няхай жыве Свабода вялікага працоўнага народа », «За ўладу Саветаў» і шмат іншага.
Афіцыйнае адкрыццё для СМІ ў 16.00 29 сакавіка 2017 года
Дом–музей I з'езда РСДРП
Адрас: г.Мінск, п–т Незалежнасці, 31а
Штодня з 11.00 да 19.00, без выходных
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея