16 сакавіка а 19–й гадзіне ў Музеі гісторыі беларускага кіно (філіяле ДУ «Нацыянальны гістарычны музей Рэспублікі Беларусь») адбудзецца эксклюзіўны паказ польскага мастацка–дакументальнага фільма рэжысёра Марэка Томаша Паўлоўскага «ДОТЫК АНЁЛА» (Польшча – Германія, 2015 г., 60 хв.).
Гэта паэтычна–дакументальны аповед відавочцы шакавальных падзей пра выратаванне падлетка Гэнрыка Шэнкера з пекла Галакосту. Увосень 1939–га, яшчэ да пачатку стварэння лагеру смерці «Аўшвіц–Біркенаў», у Асвенціме ўзнік Офіс эміграцыі габрэяў у Палестыну, створаны Шэнкерам–старэйшым на загад нацыстаў. І тысячы людзей з усёй Сілезіі пачалі сцякацца ў мястэчка ў надзеі на ратунак. Але ідэя легальнай эміграцыі правалілася… Сам Гэнрык Шэнкер так кажа пра тагачасныя падзеі:
„…На маіх карцінах бачны выявы пакутуючых людзей, і ў той жа час зверху анёлы прымаюць іх у свае абдымкі. Мне падаецца, што праз гэтае маляванне я да іх набліжаюся, я іх увекавечваю. Я вырашыў маляваць іх пераход у іншы свет, той лепшы свет. Мой збаўца ў Вялiчцы, я кажу, што ён анёл. Хутчэй за ўсё, гэта быў анёл у чалавечым абліччы. Заўсёды, калі нараджаліся мае дзеці і мае ўнукі, я пра яго думаў,… што ён уратаваў мяне і ўсю маю сям'ю. Ніхто б з іх не жыў, каб не той шляхетны чалавек.
Той габрэй, які ўратаваўся ў час вайны, ніколі б не ўратаваўся, калі б недзе, у нейкай сітуацыі, яму не дапамаглі. Мы не толькі ўдзячныя да апошняга ўздыху тым людзям, якія нас ратавалі. Гэтыя людзі — светачы чалавецтва. Яны былі ціхімі героямі той вайны.
ФІЛЬМ ДЭМАНСТРУЕЦЦА НА БЕЛАРУСКАЙ МОВЕ
УВАХОД ВОЛЬНЫ! КОЛЬКАСЦЬ МЕСЦАЎ АБМЕЖАВАНАЯ!
МУЗЕЙ ГІСТОРЫІ БЕЛАРУСКАГА КІНО
г. МІНСК, вул. СВЯРДЛОВА, Д. 4; тэл. 327–10–75
ПАЧАТАК А 19–Й ГАДЗІНЕ
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея