Выставачны праект “Гандаль Беларусі на шалях гісторыі” у Нацыянальным гістарычным музеі Рэспублікі Беларусь пройдзе да 1 мая 2017 года ўключна.
Дадзены выставачны праект рэалізаваны пры падтрымцы Міністэрства гандлю Рэспублікі Беларусь і кампаніі JTI (Japan Tobacco International) і з’яўляецца сумеснай плённай працай Нацыянальнага гістарычнага музея Рэспублікі Беларусь і Цэнтра вывучэння гісторыі гандлю кампаній “Менка”. У стварэнні выстаўкі прымалі ўдзел вядучыя музеі і архівы краіны, установы адукацыі, прыватныя калекцыянеры.
Экспазіцыя дэманструе асноўныя этапы развіцця гандлю, яго ролю ў палітычным, эканамічным і культурным жыцці нашай краіны. Гэта вытокі гандлю на старабеларускіх землях, асаблівасці яго развіцця ў часы натуральнай гаспадаркі, у перыяд рынкавых капіталістычных адносін, сістэма гандлю ў савецкі час.
Кожны чалавек на працягу свайго жыцця шматкроць сустракаецца з гандлем, таму яго развіццё на выстаўцы паказваецца праз гандляроў і таксама праз пакупнікоў. Прэзентуюцца прадметы амаль з усіх калекцый музея, таму што практычна любая рэч магла ў розныя часы быць таварам.
У экспазіцыі наведвальнікі ўбачаць шмат цікавых прадметаў: археалагічныя матэрыялы, скарбы зямлі беларускай 12 – 15 стагоддзяў, літоўскія і наўгародскія грыўны і іншыя ўнікальныя манеты. На выстаўцы будуць прадстаўлены вагі, бязмены, касавыя апараты розных часоў, дзіцячыя цацкі, прадметы раскошы са срэбра, шкло, жаночыя капелюшы, абутак і іншыя прадметы, якія можна было набыць на кірмашах і ў крамах.
Прадметы кантрабанды пачатку 20 стагоддзя – соль і мыла – прадстаўлены ў чамаданах, у вітрынах – фотаапараты, гадзіннікі, футра…
Суправаджаюць паказ постаці вікінга, карчмара, рамесніка, купца, кантрабандыста, прадаўца, спекулянта.
Падчас працы выстаўкі запланаваны шэраг імпрэз – навуковых, адукацыйных, забаўляльных.
«Падтрымка гэтай выставы мае для нас асаблівае значэнне, – падкрэсліў Генадзь Бруснікаў, намеснік генеральнага мэнэджара JTI. – Гэта яшчэ адзін сумесны крок Нацыянальнага гістарычнага музея і JTI па захаванню і папулярызацыі гісторыка–культурнай спадчыны нашай краіны. Акрамя таго, як міжнародная кампанія, якая працуе ў Беларусі з 1998 года, мы таксама ў пэўнай ступені маем дачыненне да гісторыі гандлю ў яе найноўшай частцы. Упэўнены, што прадстаўленая экспазіцыя будзе цікавая самай шырокай публіцы».
Нацыянальны гістарычны музей Рэспублікі Беларусь
Адрас: г.Мінск, вул. К. Маркса, 12,
тэл. 327 48 27, 327 43 22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея