25 студзеня 2017 года ў Музеі сучаснай беларускай дзяржаўнасці (філіяле ДУ "Нацыянальны гістарычны музей Рэспублікі Беларусь") адбудзецца адкрыццё выстаўкі "Беларусь і Кітай: 25 гадоў паспяховага супрацоўніцтва".
Развіццё двухбаковых адносін Рэспублікі Беларусь з Кітайскай Народнай Рэспублікай бярэ свой пачатак 20 студзеня 1992 года, калі былі ўсталяваныя дыпламатычныя адносіны паміж дзвюма дзяржавамі, і сёння дзяржавы актыўна падтрымліваюць адзін аднаго на міжнароднай арэне. Супрацоўніцтва дзвюх краін канструктыўна развіваецца па ўсіх напрамках: бакі рэгулярна абменьваюцца візітамі на вышэйшым і высокім узроўнях, ажыццяўляецца актыўны міжпарламенцкі дыялог, дынамічна развіваюцца міжведамасныя беларуска–кітайскія кантакты.
На сённяшні дзень Кітайская Народная Рэспубліка з'яўляецца адным з прыярытэтных вектараў супрацоўніцтва для Рэспублікі Беларусь, паколькі абедзве дзяржавы прытрымліваюцца шматпалярнай сістэмы міжнародных адносін. Дзеючыя двухбаковыя дамовы з КНР ахопліваюць шырокі спектр пытанняў: усталяванне дыпламатычных адносін, гандлёва–эканамічнае супрацоўніцтва, супрацоўніцтва ў галіне навукі і тэхналогій, мастацтва і культуры, адукацыі, турызму, транспарту, аховы здароўя, ваенна–тэхнічнае супрацоўніцтва, бязвізавыя паездкі і інш. Двума дзяржавамі паспяхова рэалізуюцца такія праекты як стварэнне індустрыяльнага парку «Вялікі камень», Беларускі нацыянальны тэхнічны універсітэт і прамысловая карпарацыя «ЦюаньШэн» (г. Увэй) адкрылі Цэнтр па камерцыі, навуцы, тэхніцы, адукацыі і культуры правінцыі Ганьсу для правядзення сумесных даследаванняў, праз Рэспубліку Беларусь праходзіць Новы шаўковы шлях, у Беларусі былі адкрыты Інстытуты Канфуцыя, якія з'яўляюцца цэнтрамі папулярызацыі кітайскай культуры і кітайскай мовы і мн. інш.
Выстава ўключае ў сябе прадметы, ўзнагароды, звязаныя з тэмай супрацоўніцтва дзвюх краін у розных сферах, а таксама падарункі, уручаныя Кіраўніку дзяржавы, ўраду і народу Беларусі вышэйшымі асобамі, дыпламатамі, і арганізацыямі Кітайскай Народнай Рэспублікі і якія адлюстроўваюць паспяховае развіццё беларуска–кітайскіх адносін.
Наведвальнікі ўбачаць каштоўныя экспанаты з фондаў музея, а таксама прадметы, перададзеныя рознымі арганізацыямі: Ордэн Дружбы Кітайскай Народнай Рэспублікі, ваза – падарунак Старшыні Кітайскай Народнай Рэспублікі Ху Цзіньтао, унікальныя сярэднявечныя вазы, адноўленыя сумесна беларускімі і кітайскімі навукоўцамі з ужываннем найноўшых тэхналогій, экспанаты, якія прадстаўляюць дзейнасць Інстытута Канфуцыя ў Рэспубліцы Беларусь і многае іншае. Шэраг прадметаў для дадзенай выставы прадастаўлены з фондаў музея Палаца Незалежнасці. Партнёрамі пры стварэнні выставы таксама выступілі Інстытут Канфуцыя па навуцы і тэхніцы БНТУ і Інстытут Канфуцыя МДЛУ. Некаторыя прадметы будуць экспанавацца ўпершыню.
Выстава ў Музеі сучаснай беларускай дзяржаўнасці ілюструе прынцып шматвектарнасці знешняй палітыкі Рэспублікі Беларусь, і пацвярджае гатоўнасць нашай краіны да супрацоўніцтва з усімі зацікаўленымі ў гэтым дзяржавамі.
Нацыянальны гістарычны музей Рэспублікі Беларусь
Адрас: г.Мінск, вул.К.Маркса, 12
Штодня з 11.00 да 19.00.
Тэл .: 327–46–11
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея