Нацыянальны гістарычны музей Рэспублікі Беларусь прадстаўляе ўласную сувенірную прадукцыю прэміум–класа са стылізаваным малюнкам – "пояс Вітаўта", унікальнага паяснога набору канца 14 – першай чвэрці 15 стагоддзя "пояс Вітаўта".
Парадны княскі пояс, які атрымаў назву "пояс Вітаўта", знойдзены каля вёскі Літва Маладзечанскага раёна Мінскай вобласці ў пачатку 1990–х гадоў. На думку шэрагу даследчыкаў, ён быў падораны вялікаму князю Вялікага Княства Літоўскага Вітаўту крымскім ханам Хаджы–Гірэем.
Пояс створаны ў канцы 14 – першай чвэрці 15 стагоддзя ў горадзе Кафэ (цяпер горад Феадосія). Усе яго дэталі выкананы з срэбра, вялікая іх частка ўпрыгожана пазалотай і чарненнем. Паясы з каштоўных металаў падобнага роду ў 14 – пачатку 15 стагоддзя на тэрыторыі Еўропы з'яўляліся сімваламі рыцарскага гонару.
Унікальны помнік, які захоўваецца ў зборы Нацыянальнага гістарычнага музея Рэспублікі Беларусь з 2007 года, унесены ў Дзяржаўны спіс гісторыка–культурных каштоўнасцей Рэспублікі Беларусь (катэгорыі «1»). Гэтая адзіная знаходка паясоў такога тыпу ва Усходняй Еўропе з'яўляецца своеасаблівым брэндам Беларусі і візітнай карткай вядучага гістарычнага музея краіны.
У 2015 годзе пояс ўпершыню экспанаваўся за межамі Беларусі ў Нацыянальным музеі Літвы "Палац вялікіх князёў літоўскіх" у рамках выставы, прысвечанай 25–годдзю незалежнасці Літоўскай Рэспублікі. У наступным годзе ён будзе прадстаўлены на міжнароднай выставе «ЭКСПА – 2017», якая пройдзе ў сталіцы Казахстана.
Фарфоравы камплект складаецца з двух кубкаў і талеркі. Пры вырабе кубкаў выкарыстоўваліся матывы старажытнай рытуальнай посуду. Талерка дэкараваная стылізаванымі ўстаўкамі "пояс Вітаўта".
Сувенірны набор выраблены мастакамі майстэрні «Ceramics.by».
Нацыянальны гістарычны музей Рэспублікі Беларусь
г.Мінск, вул.К.Маркса, 12
Тэл.: 327–30–06, 321–23–71
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея