Калекцыя гадзіннікаў – адна з цікавейшых у музейным зборы. Яна захоўвае каля 700 прадметаў, галоўным чынам, гэта гадзіннікі канца ХІХ – сярэдзіны ХХ стагоддзя – перыяду эксперыментавання па змяненні сістэмы механізму і самой формы гадзіннікаў, а таксама час падвышанага попыту на іх. Такім чынам, дошка сонечнага гадзінніка, вырабленага ў 1779 годзе, – своеасаблівае выключэнне з агульнай карціны калекцыі.
Пра самыя простыя сонечныя гадзіннікі ўзгадваецца ў Бібліі (4 Царстваў, 20:10, Ісайя, 38:8), тады як іх першыя апісанні былі знойдзены ў Егіпце ў надпісах на сценах грабніцы Сеці І (1306–1290 гады да н.э.). Сонечныя гадзіннікі былі распаўсюджаны ў Кітаі, Старажытнай Грэцыі і Старажытным Рыме. У Дзяржаўным Эрмітажы захоўваецца адзін з самых ранніх сонечных гадзіннікаў 1556 года, якім карысталіся на тэрыторыі Расіі. Цікава тое, што ён быў партатыўны, і насілі яго на шыі.
Алавяная дошка сонечнага гадзінніка, якая захоўваецца ў зборы Нацыянальнага гістарычнага музея Рэспублікі Беларусь, выраблена ў Польшчы. Яна мае тры гноманы, цені ад якіх пры сонечным надвор’і дазваляюць вызначыць мясцовы час. Гэты тып гадзінніка ўяўляе сабой не толькі цікавы астранамічны даведнік, але і сапраўдны твор мастацтва гравіроўкі.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея