Напярэдадні 60–годдзя Нацыянальнага гістарычнага музея Рэспублікі Беларусь працягваем знаёміць аматараў гісторыі з яго фондавымі калекцыямі.
Калекцыя металу захоўвае ўнікальны артэфакт – пліту з выявай генеалагічнага дрэва роду Вайніловічаў. Яна адліта з бронзы ў Варшаве скульптарам Яноўскім на замову Эдварда Вайніловіча ў 1905 годзе.
Вайніловічы – адзін з самых старадаўніх шляхецкіх родаў Вялікага Княства Літоўскага, прадстаўнікі якога займалі розныя пасады ў мясцовай адміністрацыі ВКЛ, мелі землеўладанні ў мазырскім, пінскім, навагрудскім паветах.
Эдвард Антоній Леанард Вайніловіч нарадзіўся ў 1847 годзе. Скончыў Слуцкую гімназію, затым вучыўся ў Пецярбургскім імператарскім тэхналагічным інстытуце. У радавым маёнтку Савічы арганізаваў сельскагаспадарчую працу з выкарыстаннем навейшых на той час тэхналогій. У 1888 годзе Эдварда Вайніловіча прызначылі віцэ–старшынёй Мінскага таварыства сельскай гаспадаркі. Ён тройчы выбіраўся ў расійскую Дзяржўаную думу, а ў 1906 годзе з’яўляўся членам Дзяржаўнага Савета Расіі ад Мінскай губерні.
На жаль, асабістае жыццё Эдварда Вайніловіча і яго жонкі Алімпіі Узлоўскай было трагічным – заўчасна памерлі іх сын Сымон і дачка Алена. Эдвард Вайніловіч пісаў: «С когда–то сильного дерева моего рода опадала ветвь за ветвью, пока не остался один я, как ствол, приговоренный к вымиранию, как громом пораженный, которого уже ни одна весна не сможет возродить, – так хотел Бог». Такім чынам, выява на пліце зломанага рыцарам мяча сімвалізуе смерць роду па мужчынскай лініі.
У 1905 годзе ў Мінску на замову Эдварда Вайніловіча пачалося будаўніцтва касцёла, які атрымаў назву Чырвонага альбо святых Сымона і Алены. Сёння гэты аб'ект Дзяржаўнага спісу гісторыка–культурных каштоўнасцей Рэспублікі Беларусь – адзін з сімвалаў сталіцы.
У сакавіку бягучага года Каталіцкая царква ў Беларусі распачала працэс беатыфікацыі Эдварда Вайніловіча.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея