28 ліпеня 2016 года ў 17.00 у Нацыянальным гістарычным музеі Рэспублікі Беларусь адкрываецца выстава мініяцюрных скульптур Маргарыты Дабрынінай "КАРАБЕЛЬ ДУРНЯЎ".
Маргарыта Дабрыніна – член творчага Саюза мастакоў Расіі і мастацкага Фонду Расіі. Яе працы прадаюцца ў мастацкіх салонах Масквы, некаторыя з іх знаходзяцца ў прыватных калекцыях Расіі, Англіі, Канады, ЗША і Ізраіля.
Прадстаўленыя на выставе работы выкананы ў жанры скульптуры малых формаў. Крытэрыі паняцця "скульптура малых формаў" вызначаны ў параметрах, па якіх вышыня і даўжыня твора могуць быць да васьмідзесяці сантыметраў. Аўтар аддае перавагу называць свае працы не халодным словам "скульптуры", а больш цёплым "лялькі". Кожная лялька вылеплена па ўнікальным злепку, дзе адлюстроўваецца характар, знешнасць, адметнасць. Мы гаворым адкрыта – у кожнай ляльцы крыецца рэальны чалавек, з якога скульптар ляпіла свой персанаж.
Тэхналогія вытворчасці выліваецца з керамічных мас (фаянс, гліны розных колераў) у складанай тэхніцы ручной лепкі. Кожная з фігур праходзіць складаны і працаёмкі працэс стварэння ад ідэі – да пластылінавай мадэлі, да наступнай фармоўцы ў гліне і ручной размалёўкі.
Тэма выставы вызначана ў ранняй працы, дзе майстра хвалявала чыстае мастацтва, а не промысел, плюс прыхільнасць да драматургіі і тэатру абсурду. Пано "Карабель Дурняў" стала працаёмкім і доўгім працэсам увасаблення пачуццяў і адносін да свету Маргарыты Дабрынінай.
Выстава ўяўляе тры паўнавартасных акта, дзе раскрыта тэма ў канцэпцыі:
РУСКІ КАРАГОД. Серыя керамічных работ мастачкі, прысвечаная гісторыі рускага жаночага касцюма мінулых стагоддзяў.
ВЕНЕЦЫЯНСКІЯ МАСКІ. Венецыя і яе героі – вяльможы, арыстакраты, паэты, музыканты, мастакі, скульптары, гандальеры...
ПСІХАЛОГІЯ ЖАДАННЯЎ. Маргарыта Дабрыніна надала асаблівую ўвагу ў сваёй калекцыі тэме ўзросту, тэме нязбытнасці мараў, маніі велічыя, тэме кахання, якой не падуладны час.
Мы падрыхтавалі творы "розных эпох" творчага шляху Маргарыты Дабрынінай. У кожнага ёсць свая загадка, сваё натхненне і свая вышыня. У кожным вобразе чытаецца драматургія жыцця і здаровы сарказм, майстар ювелірна адлюстроўвае ўзроставыя метамарфозы і заганы развіцця, не дасканаласць формаў і зместу, складанасць і галізну натуры.
Адназначна – выстава не для лялечнага любавання, гэта багатая ежа для мозгу і крыніца праўды ў мастацтве.
Выстаўка арганізавана пры падтрымцы кампаніі "ІталіМанія" і "Віза Трэвел".
Увага! У Вас ёсць унікальная магчымасць купіць аўтарскія лялькі Маргарыты Дабрынінай! Прыходзьце на выставу "Карабель дурняў" у Нацыянальны гістарычны музей Рэспублікі Беларусь і абярыце ўпадабаны экспанат!
Паважаныя наведвальнікі! Выстава лялек Маргарыты Дабрынінай "Карабель дурняў" у Нацыянальным гістарычным музеі Рэспублікі Беларусь працуе па 31 жніўня 2016! Просім прабачэння!
Нацыянальны гістарычны музей Рэспублікі Беларусь
Адрас: г.Мінск, вул.К.Маркса, 12
Тэл.: 327–43–22
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея