З 12 сакавіка па 3 ліпеня 2016 года ў філіяле Нацыянальнага гістарычнага музея Рэспублікі Беларусь "Дом–музей I з'езда РСДРП" будзе працаваць інтэрактыўная выстава "Вар'яцкая лабараторыя", падрыхтаваная сумесна з Мінскім музеем папулярнай навукі "Элемента".
Фізіка, механіка, магнетызм – на першы погляд нам здаецца, што ўсё гэта даволі складана і далёка ад разумення, але менавіта ў нашым музеі навука становіцца не толькі даступнай, але і займальнай.
Хіба не марыў кожны з нас правесці які–небудзь навуковы эксперымент, даведацца, як працуе той ці іншы механізм і адкуль бярэцца электрычнасць? Мары спраўджваюцца! На выставе Вы знойдзеце: шар Тэслы, прыбор электрастатыкі, магнітную анамалію, магнітны ківач і яшчэ больш за дзесятак прыстасаванняў, якія дапамогуць зрабіць складаныя навуковыя доследы простымі і цікавымі. Таксама, Вы зможаце даведацца, як працуюць розныя механізмы, ці можа чалавек быць "батарэйкай", адкуль бярэцца электрычнасць і многае іншае.
Любы эксперыментатар у "Вар’яцкай лабараторыі" і дзіця, і дарослы можа самастойна правесці свой уласны эксперымент, які апісвае той ці іншы закон фізікі або з'яву прыроды. За час, праведзены ў музеі, Вы не зможаце вывучыць усю фізіку, але цікавасць да дакладных навук, цяга да ведаў і вынаходніцтваў у Вас напэўна з'явіцца!
На выставе знаходзяцца экспанаты, з якімі можна ўзаемадзейнічаць, даследаваць, разгадваць галаваломкі.
На выставе экспанаты чапаць не толькі можна, але і трэба!
Дзеці дашкольнага ўзросту дапускаюцца на выставу толькі разам з дарослымі
Дом–музей I з'езда РСДРП
Адрас: г.Мінск, п–т Незалежнасці, 31а
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея