«Музей ёлачных цацак»!

У прадчуванні навагодніх свят і зімовага цуду

 з 29 кастрычніка

у Нацыянальным гістарычным музеі Рэспублікі Беларусь

ў пачынае працу навагодні выставачны праект

«Музей ёлачных цацак»!

Выстава – частка найбуйнейшай сусветнай калекцыі ёлачных цацак. Кожны год «Музей ёлачных цацак» абнаўляе свае фонды, што дазваляе наведваць выставу нібы ў першы раз. Увазе наведвальнікаў будуць прадстаўлены навагоднія дэкарацыі з Еўропы, Азіі, Аўстраліі, Амерыкі і Афрыкі, аналагаў якім няма ні ў адным еўрапейскім музеі.

Прыйшоўшы ў «Музей ёлачных цацак», кожнае дзіця зможа акунуцца ў чароўную казку, а дарослы – вярнуцца ў далёкае дзяцінства. Экспазіцыя распавядзе гісторыю вытворчасці шкляных шароў і іншых упрыгажэнняў з сярэдзіны XIX стагоддзя да нашых дзён і пазнаёміць з традыцыямі навагодніх свят такіх экзатычных краін, як Конга, Перу, Інданезія, Новая Зеландыя, Паўночная Карэя. Такім чынам, праз экспанаты наведвальнік зможа наглядна даведацца пра звычаі сустрэчы Новага года ў розных краінах свету.

Праект праходзіць сумесна з Фабрыкай ёлачных цацак «ГРАЙ» («Ганарыся Рэчамі АЙчыны!»). Наведвальнікі музея змогуць дазнацца пра ўсе сакрэты вытворчасці ёлачных цацак на адзінай у Беларусі спецыялізаванай фабрыцы.

Самыя маленькія госці выставы змогуць убачыць мініяцюрны інтэрактыўны калядны гарадок.

У рамках праекта будзе працаваць фірменная крама фабрыкі «ГРАЙ», дзе ўсе жадаючыя змогуць набыць святочную прадукцыю па фабрычных цэнах.

Наведванне выставы стане запамінальным святам для дзяцей і дарослых напярэдадні Новага года.

Кошт наведвання выставы:

Дарослы білет – 10 BYN

Пенсіянеры, школьнікі, дзеці ад 6 год – 8BYN

Дзеці да 6 год –бясплатна

Адрас: г. Мінск, вул. Карла Маркса, 12

Штодня з 11.00 да 19.00

Тэл. (017) 374-83-22, 365-48-27

histmuseum.by