Гасцёўня Уладзіслава Галубкапрадстаўляе выставу «Батлейка. Класіка і сучаснасць»
Беларускі народны тэатр Батлейка з'яўляецца адным са старажытных відаў беларускага мастацтва. Назва "батлейка" паходзіць ад горада Віфліем, дзе, паводле біблейскага падання, нарадзіўся Ісус Хрыстос. Пра сувязь паходжання батлейкі з біблейскай тэмай сведчаць кананічныя сюжэты пастаноўкі "Цар Ірад". Іншыя варыянты назвы гэтага старажытнага тэатра-батлеемка, остмейка або жлоб.
Прынята лічыць, што тэатры батлеечнага тыпу з'явіліся ў Еўропе ў XY ст. Для беларускага батлеечнага тэатра характэрныя тыя ж асаблівасці, што і для еўрапейскіх тэатраў сярэднявечча. Батлеечныя спектаклі сваімі сюжэтамі звычайна малявалі сацыяльныя і рэлігійныя працэсы, якія мелі месца ў грамадстве.
Рэпертуар батлеек можна падзяліць на 2 жанры: высокі-рэлігійная тэматыка і нізкі-сатырычныя сцэнкі з народнага жыцця. У сувязі з гэтымі асаблівасцямі, скрыні батлеек будаваліся па некалькі розных тыпах. І кожнае месца батлеечнай канструкцыі мела свой асаблівы сімвалізм: з левага боку верхняга яруса звычайна знаходзіўся "рай", з правага боку ніжняга яруса – "пекла".
У Беларусі існавала некалькі тыпаў батлеечных тэатраў: аднапавярховыя, двухпавярховыя, трохпавярховыя, двухпавярховыя з вежай, батлейкі па прынцыпу ценявога тэатра, батлейкі з празрыстымі дэкарацыямі, якія мяняліся падчас спектакля, батлейкі "зоркі".
Выстаўка "Батлейка. Класіка і сучаснасць."сабрала ў сабе экспанаты з розных куткоў Беларусі. Сярод удзельнікаў: ДУА «Гімназія № 28 г. Мінска», ДУА «СШ № 4 г. Мінска», ДУ «Мінскі дзяржаўны палац дзяцей і моладзі», Народны тэатр лялек «Капялюш» ДУК «Цэнтр культуры г. Наваполацка», ДУА «Навасельскі яслі – сад», тэатральны гурток «Жаронцы» ДУК «Цэнтр народнай творчасці» г. Ракаў, ДУА «Яслі – сад № 11 г. Віцебска», таксама прадстаўлены прыватныя калекцыі.
На выстаўцы прадстаўлена больш за дзесяць батлеек, як класічных, так і сучасных інтэрпрэтацый класікі, батлейка па прынцыпе ценявога тэатра, выяўленча – апавядальны театр Камішыбай, жлоб і вельмі рэдкая марыянеткавая батлейка.
Батлейка, за сваю ўжо даволі немалую гісторыю развіцця, аказала ўплыў на фарміраванне традыцыйнага лялечнага тэатра, а таксама на беларускую культуру і драматургію. Традыцыі батлеечнага тэатра выкарыстоўваюцца і сёння ў прафесійным сцэнічным і дэкаратыўна-прыкладным мастацтве, у пастаноўках лялечных тэатраў. Ды і само батлеечнае мастацтва здабывае новае жыццё, ва ўсё большай колькасці новых разнавіднасцяў батлеечных тэатраў.
Гасцёўня Уладзіслава Галубка
Адрас: г.Мінск, вул.Старавіленская, 14
Без выхадных дзён, з 10.00 да 17.30
Тэл. для даведак (017) 243-74-03
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея