9 верасня ў Нацыянальным гістарычным музеі Рэспублікі Беларусь пачынае работу выстава “Геалакацыя Мінск. Графіка ХХ ст.”. Выстава прымеркавана да Дня горада, які традыцыйна Мінск адзначае ў другую субботу верасня. У 2021 годзе гэта дата выпадае на 11 верасня, і сталіца адзначае свой 954 дзень нараджэння.
На выставе прадстаўлены жывапісныя і графічныя работы са збору Нацыянальнага гістарычнага музея Рэспублікі Беларусь, сярод якіх можна будзе ўбачыць знаёмыя лакацыі, плошчы і вуліцы беларускай сталіцы. Гэта своеасаблівая рэтраспектыва апошніх 200 гадоў існавання Мінска, дзе кожны перыяд прыкметны сваімі асаблівасцямі, знакавымі для гараджан падзеямі: урбанізацыяй, развіццём і ваеннымі разбурэннямі, будаўніцтвам новых мікрараёнаў і адраджэннем гістарычнага цэнтра, гарадскімі святамі і буднямі мінчан.
Вядомыя мастакі і менш папулярныя аўтары выступаюць у ролі гістарыёграфаў беларускай сталіцы, яны па-свойму адлюстроўваюць яе на палотнах і паперы, але кожнаму з іх удаецца перадаць тое, што называюць душой горада.
Так творы Віктара Сташчанюка – у яго рэканструкцыях гарадскіх панарам і помнікаў дойлідства – ілюструюць выгляд Мінска ў пачатку XIX ст. А дзякуючы работам Мікалая Дучыца мы ведаем, як выглядаў Мінск у даваенны час, у перыяд акупацыі і разбурэнняў.
Жывапісныя і графічныя работы 1950–1960-х гадоў пранізаны атмасферай вялікай будоўлі, надзеяй на добрую светлую будучыню, настроем мірнага і спакойнага жыцця. Гэты перыяд знаходзіць адлюстраванне ў працах Анатоля Тычыны.
У творах 1970–1980-х гадоў прасочваецца настальгія па старым горадзе, цікавасць да гістарычнай спадчыны, а таксама новыя працэсы дынамічнага развіцця горада. Сярод аўтараў гэтага часу вылучаюцца працы Кацярыны Паплаўскай: мастацкія творы пранізаны цікавасцю да гарадской архітэктуры, адрозніваюцца пэўным “урбанізмам”, майстэрствам валодання графічнымі тэхнікамі.
Графічныя творы здольны перадаваць многія нюансы і дэталі, яны выдатна адлюстроўваюць трансфармацыю, якую Мінск зведваў на працягу ХХ ст., – з яе як разбуральнай, так і стваральнай скіраванасцю. Прадстаўленыя мастацкія творы з’яўляюцца цікавым дакументальным матэрыялам для даследчыкаў архітэктуры і гарадскога побыту.
Выстава працуе па 26 верасня 2021 года
Адрас: г. Мінск, вул. К. Маркса, 12
Штодня 11.00 – 19.00
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея