Гасцёўня Уладзіслава Галубка прадстаўляе выставу «Антыкварнае каралеўства»
25 чэрвеня ў Гасцёўні Уладзіслава Галубка пачынае працу выстава «Антыкварнае каралеўства», на якой вырашылі «успамянуць маладосць» антыкварныя лялькі калекцыянера Алы Алёнінай.
У экспазіцыі прадстаўлена вялікае мноства разнастайных лялек з пап’е-машэ, кампазіту, дрэва, бісквітнага фарфору, тэкстылю і воску, самыя раннія з якіх датуюцца 60-мі гадамі ХІХ стагоддзя, а самыя познія – савецкім перыядам. Тут – старадаўнія цацкі і лялечныя аксесуары, фарфоравы лялечны посуд, калыскі, плеценыя стульчыкі, драўляныя конікі і нават дзіцячая педальная машынка савецкага перыяду.
Большасць лялек трапіла ў калекцыю Алы Алёнінай у кепскім стане. З гэтымі лялькамі гулялі дзеці, таму так мала засталося іх у добрым выглядзе. Даводзілася рэстаўраваць не толькі саміх лялек, але і рэанімаваць іх прычоскі, адзенне і галаўныя ўборы з максімальным захаваннем старадаўніх тэхналогій, выкарыстаннем тканін тых часоў, біжутэрыі, карункаў і нават валасоў. Гэта вельмі важна, бо такімі лялькамі выхоўвалі дзяцей, далучалі іх да культуры, усе ўборы і аксесуары былі дакладнай копіяй тагачаснай моды, толькі ў мініяцюры. Антыкварныя лялькі валодаюць амаль магічнай прыцягальнасцю, хоць некаторых могуць напалохаюць.
Асноўнымі вытворцамі лялечнай індустрыі былі фабрыкі Германіі і Францыі. Цэнтрам выставы сталі лялькі, створаныя не для дзяцей, а спецыяльна для дарослых жанчын – французскіх модніц і свецкіх львіц. Калісьці такія лялькі дэманстравалі навінкі моды! Гэта знакамітыя будуарныя лялькі, вельмі папулярныя ў 30-х гадах ХХ стагоддзя. Кожная з іх – унікальная, са сваёй гісторыяй, захаванай да нашых дзён.
Адны з самых чароўных антыкварных лялек – лялькі-ігольніцы Half dolls – таксама прадстаўлены ў антыкварным каралеўстве. Гэта лялькі-палавінкі, створаныя з паліванага фарфору, кампазіту, воску ці дрэва ўверсе, а ніз лялькі – гэта шырокая спадніца ў выглядзе падушачкі для іголак, скрыначкі, шкатулкі, мяцёлкі, грэлкі на чайнік, будуарнай лямпы, парасоніка і іншых жаночых аксесуараў.
Выстава «Антыкварнае каралеўства» будзе цікавая шырокаму колу гледачоў.
Гасцёўня Уладзіслава Галубка
Адрас: г. Мінск, вул. Старавіленская, 14
Без выхадных дзён, з 10.00 да 17.30
Тэл. для даведак (017) 243-74-03
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея