4 красавіка 1557 года нарадзіўся Леў Сапега. Сёлета яму спаўняецца 464 гады.
Леў Сапега (1557.04.04, Астроўна, Віцебскі павет – 1633.07.07, Вільня), палітычны і грамадскі дзеяч ВКЛ, пісар (1581-1585), падканцлер (1585-1589) і канцлер вялікі літоўскі (1589-1623), ваявода віленскі (з 1621), гетман вялікі літоўскі (1625-1633), стараста слонімскі, брэсцкі, магілёўскі. Адзін са складальнікаў і фундатар выдання “Статут Вялікага Княства Літоўскага” 1588 г., адзін з арганізатараў Трыбунала ВКЛ (1582). Прадстаўнік старэйшай чарэйскай лініі роду; сын Івана Сапегі, старасты драгічанскага, падстарасты аршанскага і Багданы з князёў Друцкіх-Сакалінскіх.
Невядомы мастак. 1617 г. (?). Палатно, алей.
102х79,5 см
Нацыянальны гістарычны музей Рэспублікі Беларусь
Паступіў ад мастака Пётры Сергіевіча (1900-1984) з Вільнюса 19.04.1968. Да 1944 – у калекцыі Беларускага музея імя Івана Луцкевіча ў Вільні.
На партрэце справа ўверсе – прыватны герб Л. Сапегі, пяціпольны з лабрамі. У сэрцавым полі – родавы герб “Ліс”; у правым верхнім геральдычным полі – “Сапега” (тры лілеі), верагодна, герб Фёдара Іванавіча, дзеда канцлера; у левым верхнім геральдычным полі – “Пагоня”, герб Ганны Сангушкі, бабкі па лініі бацькі; у правым ніжнім геральдычным полі – “Друцк” (меч лязом уніз у атачэнні чатырох паўмесяцаў), герб Багданы Друцкай-Сакалінскай, маці канцлера; у левым ніжнім геральдычным полі – “Талачынскі” (сагнутая ў локці рука рыцара, працятая стралой), герб бабкі па лініі маці Н. Ю. Талачынскай.
Герб на партрэце не адпавядае класічным патрабаванням геральдыкі: ніжнія палі памяняліся месцамі ў адрозненне ад гравюрнай класічнай выявы асабістага гербу Л. Сапегі ў выданні Статута Вялікага Княства Літоўскага 1588 г.
Над гербам і пад ім надпісы ў 3 і 2 радкі: “LEO SAPIEHA CANCELL // M.D.Lit. MOHIL. BЕRES // CAPITANEVS /// ǼTATIS SVǼ 60 // ANNO DNI/ 16.1.6” (“Леў Сапега канцлер // ВКЛіт.[оўскага] Магіл.[ёўскі] Берас[цейскі] стараста /// Веку свайго 60 // Року Панскага 16.1.6”).
Дадатковую інфармацыю глядзіце па спасылцы.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея