25 верасня а 19-й гадзіне на сцэне Малой залы імя Рыгора Шырмы Беларускай дзяржаўнай філармоніі адбудзецца канцэрт, прысвечаны 255-годдзю выдатнага кампазітара, дыпламата, палітычнага і грамадскага дзеяча Міхала Клеафаса Агінскага.
У выкананні заслужанага калектыву Дзяржаўнага камернага хору Рэспублікі Беларусь і квінтэта «Амелія» Маладзечанскага дзяржаўнага музычнага каледжа імя М. К. Агінскага прагучаць музычныя творы таленавітых прадстаўнікоў дынастыі Агінскіх, знакамітых дзеячаў беларускай, польскай і літоўскай культур Станіслава Манюшкі і Яна Карловіча, а таксама прадстаўніка паўночна-нямецкага барока Дзітрыха Букстэхудэ і інш.
Падчас імпрэзы адбудзецца прэзентацыя альбома «Адраджэнне і вяртанне. Да 255-годдзя з дня нараджэння М. К. Агінскага», падрыхтаванага Нацыянальным гістарычным музеем Рэспублікі Беларусь, філіялам «Музей гісторыі тэатральнай і музычнай культуры», Маладзечанскім дзяржаўным музычным каледжам імя М. К. Агінскага, дабрачынным фондам г. Маладзечна «Спадчына Міхала Клеафаса Агінскага».
Мастацкі кіраўнік і дырыжор – заслужаная артыстка Рэспублікі Беларусь Наталля Міхайлава. У канцэрце возьме ўдзел саліст Нацыянальнага акадэмічнага Вялікага тэатра оперы і балета Рэспублікі Беларусь Андрэй Мацюшонак (тэнар).
У якасці ганаровых гасцей на канцэрт запрошаны прадстаўнікі Міністэрства культуры Рэспублікі Беларусь, Мінскага абласнога выканаўчага камітэта, дапламатычных місій Польшчы, Літвы, Расіі, Францыі, Італіі, кіраўнікі ўстаноў культуры і грамадскіх арганізацый, журналісты.
Узроставы цэнз мерапрыемства: 6+
Кантактныя тэлефоны:
+375 17 255-26-68 (Кавалёва Алена Уладзіславаўна, дырэктар Дзяржаўнага камернага хору Рэспублікі Беларусь)
+375 29 853-75-98 (Сапоцька Павел Міхайлавіч, дырэктар Нацыянальнага гістарычнага музея Рэспублікі Беларусь)
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея