У пачатку чэрвеня ў Мінску стартуе выставачны праект «Рарытэты Нацыянальнага гістарычнага музея Рэспублікі Беларусь» на агароджы Парка культуры і адпачынку імя Чалюскінцаў па праспекце Незалежнасці ў Мінску.
Выставачны праект “Рарытэты Нацыянальнага гістарычнага музея Рэспублікі Беларусь” дэманструе нацыянальны гісторыка–культурны здабытак Беларусі. Выстава складаецца з 70 банераў, на якіх прадстаўлены каштоўнасці з фондаў Нацыянальнага гістарычнага музея Рэспублікі Беларусь: манеты, зброя, нацыянальны касцюм, прадметы рэлігійнага культу, творы выяўленчага мастацтва, народныя промыслы і рамёствы, кнігі, каштоўныя металы, узнагароды, музычныя інструменты і многае іншае .
У стварэнні дадзенай выставы прымаюць удзел усе 5 філіялаў Нацыянальнага гістарычнага музея (Музей сучаснай беларускай дзяржаўнасці, Музей гісторыі тэатральнай і музычнай культуры, Музей гісторыі беларускага кіно, Дом–музей I з'езда РСДРП, Музей прыроды і экалогіі), што дазваляе раскрыць багацце і ўнікальнасць беларускай спадчыны.
Выстава, якая прадстаўляе Беларусь як сучасную развітую еўрапейскую дзяржаву, што годна займае сваё месца ў міжнароднай супольнасці, з'яўляецца сапраўдным даведнікам па айчыннай гісторыі скрозь стагоддзі.
Усе банеры маюць суправаджальную тэкставую інфармацыю на беларускай, рускай і англійскай мовах.
Праект рэалізуецца пры падтрымцы Міністэрства культуры Рэспублікі Беларусь і Мінскага гарадскога выканаўчага камітэта.
Генеральны партнёр праекта – ААТ «АСБ Беларусбанк».
Аўтары праекта – Алег Лукашэвіч, Аляксандр Аляксееў, Алег Ладзісаў, Дар'я Аўчыннікава.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея