Да 80-годдзя Заслужанага калектыву Рэспублікі Беларусь “Дзяржаўная акадэмічная харавая капэла імя Р. Шырмы”.
Уплыў на творчасць Рыгора Раманавіча зрабіла сям’я. З вуснаў маці ён слухаў калыханкі, у 15-гадовым узросце ўпершыню пачуў харавое гучанне, менавіта спевы хора пад кіраўніцтвам Аляксандра Архангельскага паўплывалі на яго творчы лёс. У 17 год пачаў збіраць беларускі фальклор, пасля стварыў школу апрацоўкі бел.народ.песні. З 1922 вёў актыўную грамадскую дзейнасць: чытае лекцыі, піша артыкулы, выдае зборнікі твораў беларускіх паэтаў.
У 1939 г. пачынаецца новая старонка яго творчасці. Шырме даручана арганізаваць беларускі ансамбль песні і танца. 15 студзеня 1940 года створаны ансамбль песні і танца пачынае сваю творчую дзейнасць. Пасля шэрагу паспяховых выступленняў у многіх гарадах Беларусі ў маі 1941 года калектыў упершыню выехаў у Маскву, дзе канцэрты прайшлі з вялікім поспехам.
Часы ваеннага ліхалецця змянілі напрамак дзейнасці калектыву. У ліпені 1941 хор накіраваны ў вялікае падарожжа ў Сібір і Сярэднюю Азію. Патрыятычны абавязак падказаў стварыць новую праграму сучасных, актуальных твораў савецкіх кампазітараў.
У ліпені 1944 ансамбль вяртаецца на Радзiму i працуе ў Гродна. Папулярнасць Беларускага ансамбля песні і танца ўсё больш расце. У 1950 годзе ён рэарганізаваны і пераіменаваны ў Дзяжаўны хор Беларускай ССР. У 1952 годзе Дзяржаўны хор пераязджае ў Мінск. У 1957 г. капэле прысвоена званне акадэмiчнай.
Талент, заслугі Рыгора Шырмы атрымалі з часам шырокае прызнанне: народны артыст БССР і СССР, Герой Сацыялістычнай Працы (1977), заслужаны дзеяч мастацтваў Беларусі, лаўрэат Дзяржпрэміі БССР... Рыгор Раманавіч жыў і працаваў, не шкадуючы сябе, каб зберагчы душу народную — песню. Дзякуючы ягонай працы жывуць, гучаць бясцэнныя скарбы народнай творчасці.
У філіяле Нацыянальнага гістарычнага музея Рэспублікі Беларусь “Музей гісторыі тэатральнай і музычнай культуры” наведвальнікі, прыхільнікі творчасці капэлы імя Р. Шырмы змогуць пазнаёміцца з пастаяннай экспазіцыяй, прысвечанай капэле, і апошнімі паступленнямі ў фонды музея.
г. Мінск, зав. Музычны, 5
Тэл. 220-26-67
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея