У філіяле Нацыянальнага гістарычнага музея Рэспублікі Беларусь "Дом–музей I з'езда РСДРП" з 7 снежня 2019 года па 14 студзеня 2020 года праходзіць выстава ёлачных цацак савецкага перыяду "У госці да казкі ".
Калі вы хочаце акунуцца ў атмасферу казачнага зімовага лесу поўнага прыгажосці і разнастайнасці, то Вам дакладна да нас!
У нашым казачным лесе Вы зможаце паблукаць сярод дзясяткаў елак, якія упрыгожаны антыкварнымі цацкамі мінулага стагоддзя. Кожная ялінка распавядзе вам аб асобных старонках жыцця таго перыяду: чым займаліся і як выглядалі людзі, якія казкі любілі больш за ўсё, у што верылі, якіх вяршынь дасягалі.
На выставе будзе прадстаўлена прыватная калекцыя ёлачных цацак ад калекцыянера з г.Бабруйска – Галіны Жук. На некалькіх дзясятках розных па памерах ялінак вы пабачыце вярхоўкі, шары, домікі, грыбочкі, ліхтарыкі, бусы, светлафоры, матрошкі, суквецце казачных персанажаў і г.д. вырабленыя у розных тэхніках і з розных матэрыялаў. Таксама ў нашым казачным лесе схавалася мноства розных Дзядоў Марозаў і Снягурачак, і калі вы будзеце уважлівымі і зможаце іх знайсці і пералічыць, то вас чакае пажаданне з нашай скрыні цудаў.
Акрамя сапраўднага царства зімніх ялінак вы зможаце пабачыць і іншы сімвал свята – святочныя паштоўкі. У мінулым стагоддзі кожнае свята не абыходзілася без гэтага элементу. Якімі былі святочныя навагоднія паштоўкі ў той час і чаго жадалі друг–другу людзі паўстагоддзя таму, Вы таксама зможаце пабачыць на нашай выставе.
У гэтыя перадсвяточныя снежаньскія дні не прамініце магчымасць акунуцца ў атмасферу цудаў і маляўнічай разнастайнасці, якая не толькі пазнаёміць Вас з тым, як упрыгожвалі ялінку паўстагоддзя таму, але і падорыць непаўторныя адчуванні радасці і захаплення.
Дзеці дашкольнага ўзросту дапускаюцца на выставу толькі ў суправаджэнні дарослых!
Дом–музей I з’езда РСДРП
Адрас: г. Мінск, п–т Незалежнасці, 31А
Штодня з 11.00 да 19.00, без выходных
Тэл. для даведак: 290–68–47
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея