З 13 верасня ў Нацыянальным гістарычным музеі Рэспублікі Беларусь упершыню праходзіць выстава «Майсей Напельбаўм. Партрэт эпохі».
Майсей Напельбаўм – адно з самых значных імёнаў у гісторыі фатаграфіі. Велічыню ягонага таленту характарызуе просты факт: калі ў 1918 годзе бальшавікам спатрэбілася паказаць свету выяву кіраўніка савецкай Расіі, то першы мастацкі фотапартрэт Леніна замовілі Напельбаўму.
Напельбаўм увайшоў у гісторыю сусветнай фатаграфіі як майстар псіхалагічнага партрэту, фатограф савецкай культурнай і палітычнай эліты. Больш за тысячу ягоных фотапрацаў, сярод якіх партрэты Ахматавай, Блока, Горкага, Дзяржынскага, Ясеніна, Пляханава, Ўэлза, Пастарнака, Меерхольда, Леніна, Свярдлова, Будзённага і іншых, увайшлі ў залаты фонд мастацтва.
Напельбаўм нарадзіўся ў Мінску, тут адкрыў сваю першую партрэтную студыю. У пошуках ведаў і досведу Напельбаўм падарожнічаў па ўсім свеце: Смаленск, Масква, Адэса, Еўпаторыя, Вільня, Варшава, затым Нью–Ёрк, Пітсбург і іншыя гарады ЗША.
Ягонае фотаатэлье ў Пецярбургу было сапраўдным творчым клубам, у сценах якога
збіраліся Гумілёў, Пастарнак, Ясенін, Блок, Мандэльштам, Ахматава і многія іншыя. Напельбаўм лічыцца заснавальнікам фотапартрэту, ён стварыў сваю, толькі яму ўласцівую тэхніку выканання, зрабіўшы рэвалюцыйныя для таго часу эксперыменты з асвятленнем у кадры. Тады, у самым пачатку ХХ стагоддзя, было нечуванаю смеласцю зняць партрэт, дзе твар высвечваецца толькі напалову, з аднаго боку, дзе ўвага звернутая на твар, погляд, на рукі чалавека. Майсей Напельбаўм, паводле ўласнага азначэння, – фатограф–мастак.
Упершыню ў Беларусі паказваюцца ягоныя арыгінальныя здымкі, самыя вядомыя партрэты знакавых дзеячаў культуры, навукі і палітыкі мінулага стагоддзя: Ганны Ахматавай, Аляксандра Блока, Сяргея Ясеніна, Усевалада Меерхольда, Максіма Горкага, Аляксея Талстога, Дзмітрыя Шастаковіча, Барыса Пастарнака, Уладзіміра Леніна, Сямёна Будзённага, Анатолія Луначарскага, Галіны Уланавай, Льва Ландаў, Ота Шміта і многіх іншых. Працы захоўваюцца ў музеях, уваходзяць у падручнікі па фатаграфіі і гісторыі. На выставе будуць паказаныя каля ста знакамітых партрэтаў, створаных Напельбаўмам. Арганізатар – Цэнтр беларуска–габрэйскай культурнай спадчыны. Фатаграфіі належаць Borodulin Collection, адной з найбуйнейшых у свеце калекцыяў класічнай савецкай фатаграфіі.
Таксама паказваюцца асабістыя дакументы і раннія працы мінскага перыяду з фондаў Нацыянальнага гістарычнага музею Рэспублікі Беларусь і Нацыянальнага гістарычнага архіву Рэспублікі Беларусь ды асабістая камера Напельбаўма, прапанаваная «РУСС ПРЕСС ФОТО» (г. Масква). Гэта – фотакамера Acme фірмы W. Watson & Sons, Ltd. (Лондан, Вялікая Брытанія), перыяд вырабу – 1900–1907 гады. Менавіта на яе ў 1918 годзе Напельбаўм зняў вядомы партрэт Леніна.
Выстава прымеркаваная да 150–годдзя майстра.
На адкрыццё выставы запрошаныя спадкаемцы Майсея Напельбаўма.
Куратарка праекту – Мая Кацнельсон.
У межах выставы запланаваны шэраг адукацыйных лекцыяў ад вядомых мастацтвазнаўцаў і гісторыкаў пра культурную спадчыну Беларусі, пра гісторыю беларускай фатаграфіі; шэраг суправаджальных падзеяў, у тым ліку экскурсіі па гістарычных габрэйскіх вуліцах Мінску. Сачыце за праграмаю на старонцы Цэнтру беларуска–габрэйскай культурнай спадчыны ў FB: @bjch.center
Кошт квіткоў:
10 р. – дарослыя і студэнты;
6 руб. – школьнікі і пенсіянеры;
20 руб. – сямейны білет (усяго не больш за 4-х чалавек);
Арганізатар – Цэнтр беларуска–габрэйскай культурнай спадчыны Borodulin Collection
Супольна з:
Нацыянальным гістарычным музеем Рэспублікі Беларусь
Нацыянальным гістарычным архівам Рэспублікі Беларусь
«РУСС ПРЕСС ФОТО» (г. Масква)
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея