З 5 верасня па 6 кастрычніка 2019 года ў выставачнай зале Музея гісторыі беларускага кіно – філіяла Нацыянальнага гістарычнага музея Рэспублікі Беларусь – будзе экспанавацца выстава фатаграфій Сяргея Міхаленкі «МЕЛАНХОЛІЯ».
Калісьці менавіта «меланхолія» лічылася хваробай. Сёння часцей выкарыстоўваюць тэрмін «дэпрэсія», а «меланхоліяй» ва ўжытку называюць проста сумны, маркотны настрой.
Маркоціцца ці сумаваць – гэтак жа натуральна для чалавека, як радавацца. Кожны з нас перыядычна пагружаецца ў гэты стан па розных прычынах. На думку Сяргея, тут можна знайсці нямала рэсурсаў для прадуктыўнай творчасці. Дастаткова толькі пасябраваць з меланхоліяй, дазволіць ёй быць побач і ... назіраць. Астатняе зробіць навык глядзець і бачыць.
Фатаграфіі Сяргея Міхаленкі здаюцца простымі і няўлоўна знаёмымі. Яны пра сузіранне, цішыню, спакой і, магчыма, адзіноту чалавека ў вялікім свеце. І ўсё ж яны пра жыццё. Пра прыгажосць прасторы, пра розныя формы быцця, і заўсёды – пра важнасць пражывання моманту тут і цяпер.
Экспазіцыя будзе цікавая ў першую чаргу аматарам класічнай фатаграфіі. Тэкст не задае вектар трактовак і не дамінуе над візуальнай мовай. Аўтар запрашае гледача быць смялей – апускацца ва ўспрыманне, абапіраючыся на ўласныя вопыт і адчуванні. І, вядома, самастойна інтэрпрэтаваць убачанае, знаходзячы ў фотаздымках свае сэнсы. Ці не знаходзячы. У гэтым і ёсць свабода гледача.
***
Сяргей Міхаленка нарадзіўся ў 1975 годзе. Вядомы ў большай ступені як арганізатар фатаграфічных падзей і з'яў у Беларусі. Заснавальнік і ўладальнік беларускага фотопортала “ZНЯТА”. Ініцыятар стварэння конкурсу “BelarusPressPhoto”, уваходзіў у склад аргкамітэта конкурсу. У цяперашні час – старшыня Саюза фатографаў Беларусі і куратар галерэі стрыт–фатаграфіі «Лесвіца». Як фатограф спецыялізуецца на рэкламнай, партрэтнай і пейзажнай фатаграфіі.Усе працы, прадстаўленыя на выставе, магчыма набыць у калекцыю.
Арганізатары выставы: Нацыянальны гістарычны музей Рэспублікі Беларусь,
Музей гісторыі беларускага кіно,
Белорусское общественное объединение фотографов
Партнёры: znyata.com – партал пра фатаграфію
Canon – прадстаўніцтва ў Беларусі
Кантакты: +375 17 327 10 75, +375 29 627 10 75 (Музей кіно)
+375 33 334–01–71 (Сяргей Міхаленка)
Дзе: выставачная зала Музея гісторыі беларускага кіно (г. Мінск, вул.Свярдлова, 4)
Калі: 5 верасня – 6 кастрычніка 2019 года штодня з 11–00 да 19–00
Кошт квіткоў: школьнікі і пенсіянеры – 2 руб., студэнты – 2,5 руб., дарослыя – 5 руб.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея