З 21 жніўня па 15 верасня ў Нацыянальным гістарычным музеі Рэспублікі Беларусь будзе экспанавацца выстава, прымеркаваная да 110–годдзя з дня нараджэння савецкага дыпламата, дзяржаўнага дзеяча, ураджэнца Беларусі Андрэя Андрэевіча Грамыкі.
Адзін з найвялікшых дыпламатаў ХХ ст. А.А. Грамыка (1909–1989) нарадзіўся ў вёсцы Старыя Грамыкі Гомельскага павета Магілёўскай губерні (цяпер – Веткаўскі раён Гомельскай вобласці). Ён паходзіў з беларускай сялянскай сям'і, якая мела шляхецкія карані. Ранні перыяд жыцця А.А. Грамыка цесна звязаны з Беларуссю: будучы дыпламат вучыўся ў Беларускім дзяржаўным універсітэце народнай гаспадаркі, затым паступіў у аспірантуру Акадэміі навук БССР. Пасля пераезду ў Маскву быў запрошаны на працу ў Народны камісарыят замежных спраў СССР. У 1943–1946 гг. займаў адказную пасаду амбасадара СССР у ЗША, удзельнічаў у стварэнні ААН.
У якасці міністра замежных спраў СССР А.А. Грамыка адыграў важную ролю ва ўрэгуляванні Карыбскага крызісу, арганізоўваў падпісанне шэрагу ключавых міжнародных дагавораў у сферы раззбраення і абмежавання ўзбраенняў, садзейнічаў стварэнню АБСЕ і інш. Дыпламат карыстаўся высокім аўтарытэтам у савецкіх і замежных палітыкаў, за жорсткі стыль вядзення перамоваў заходнія калегі празвалі яго «Містэр Не».
Грамыка актыўна ўдзельнічаў і ва ўнутранай палітыцы СССР – быў членам ЦК КПСС, членам Палітбюро ЦК КПСС, займаў пасаду Першага намесніка Старшыні Савета міністраў СССР. У 1985–1988 гг. А.А. Грамыка быў Старшынёй Прэзідыума Вярхоўнага Савета СССР, з'яўляючыся тым самым фармальным кіраўніком дзяржавы.
У Рэспубліцы Беларусь яго імем названы вуліца і школа ў горадзе Ветка, у Гомелі ўстаноўлены помнік–бюст дыпламату ў скверы яго імя. На выставе прадстаўлены дакументальныя матэрыялы, прысвечаныя жыццю, дзейнасці і спадчыне вядомага дыпламата: копіі указаў, дамоваў і пастановаў, дыпламатычныя ноты, а таксама разнастайны фотаматэрыял – здымкі значных міжнародных падзей, у якіх самы непасрэдны ўдзел прымаў А.А. Грамыка. Выстаўка знаёміць не толькі з палітычнай дзейнасцю – працай на пасадзе пасла СССР у ЗША і Міністра замежных спраў СССР – але і з асабістым жыццём дыпламата.
Праект «Андрэй Андрэевіч Грамыка – дыпламат савецкай эпохі» арганізаваны пры падтрымцы Міністэрства замежных спраў Рэспублікі Беларусь.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея