З 12 жніўня 2019 года ў галерэі Нацыянальнага гістарычнага музея Рэспублікі Беларусь працуе выстава “Абрысы мінулага: беларускі археалагічны малюнак ХХ – пачатку ХХІ ст.”. Выстава прысвечана святкаванню прафесійнага свята “Дзень археолага”.
Выстава адлюстроўвае адзін з многіх этапаў працы вучонага–археолага: графічнай фіксацыі аб’ектаў даследавання.
Гісторыя ўзнікнення археалагічнага малюнка адносіцца да экспедыцый другой паловы ХІХ ст., калі кожная экспедыцыя ў сваім штаце мела мастака, які фіксаваў розныя аб’екты ў палявых умовах. Гэтая традыцыя працягнулася і ў ХХ ст. На сённяшні дзень у археалагічнай навуцы сам археолаг спалучае ў сабе не толькі функцыю кіравання раскопкамі, але і стварэння малюнкаў падчас і пасля экспедыцыі.
У некаторай ступені археолага можна назваць і рэканструктарам мінулага, часам ён аднаўляе абліччы людзей, якія даўно сышлі з жыцця, “нанава адбудоўвае” даўно разбураныя хаты і малюе зніклыя паселішчы і гарады… Графічныя рэканструкцыі ў апошні час становяцца незаменным інструментам для трансляцыі “сухой навуковай інфармацыі” ў “масы” зразумелай мовай.
Археолаг – гэта асоба, якая віртуозна валодае не толькі рыдлёўкай, але i алоўкам. І з–пад рукі даследчыка, у яго малюнках, кожны можа пабачыць абрысы мінулага – абрысы, якія вяртаюць наведвальніка назад у часе і прасторы.
У экспазіцыі прадстаўлены каля 100 археалагічных малюнкаў, створаных беларускімі даследчыкамі ў ХХ – пачатку ХХІ ст. На выставе можна пабачыць археалагічныя малюнкі, вынікі экспедыцый па Беларусі, з фондаў Цэнтральнага навуковага архіва НАН Беларусі і з прыватных калекцый М.М. Чарняўскага, В.Г. Беляўца, Л.У. Дучыц, А.Ф. Касюк, А.М. Вашанова, А.Дз. Гаршкова і інш.
Музей працуе: з 11.00 да 19.00
Без выхадных
Каса працуе: 11.00 – 18.30
Уваход наведвальнікаў: 11.00 – 18.30
Для дарослых:
Агляд экспазіцыі – 10 бел.руб.
Экскурсія – 30 бел.руб.
Для студэнтаў дзённай формы навучання:
Агляд экспазіцыі – 8 бел.руб.
Экскурсія – 25 бел.руб.
Для школьнікаў і навучэнцаў ССНУ:
Агляд экспазіцыі – 5 бел.руб.
Экскурсія – 15 бел.руб.
Для пенсіянераў:
Агляд экспазіцыі – 5 бел. руб.
Экскурсія – 15 бел.руб.
вул. К. Маркса, 12, Мінск, 220030, Рэспубліка Беларусь
+375 17 3237665 (прыёмная)
+375 17 3748322
+375 17 3654827
histmuseum@histmuseum.by
Навукова-метадычны аддзел
office@histmuseum.by
Прыёмная музея